Makassar itsasartea
| Makassar itsasartea Selat Makassar | |
|---|---|
| 0°50′00″S 118°10′00″E / 0.8333°S 118.1667°E / -0.8333; 118.1667 | |
| Luzera | 800 km |
| Zabalera | 130 - 370 km |
Makassar itsasartea (indonesieraz: Selat Makasar) Ozeano Barearen mendebaldeko itsasartea da, Indonesiako Borneo eta Sulawesi uharteen artean dagoena. Iparraldean, Sulawesiko itsasoarekin egiten du muga, eta hegoaldean Javako itsasoarekin. 800 kilometro luze da eta 130-370 kilometro arteko zabalera du[1]. Ozeano Bareko nabigazio bide garrantzitsua da, Malakako itsasarterantz doazen itsasontzi handiek zeharkatzen baitute.
Borneoko Mahakam ibaiak Makassar itsasartean du ahoa. Itsasartean dauden portu nagusiak Borneoko Balikpapan eta Sulawesiko Palu eta Makassar dira; azken honek ematen dio izena itsasarteari. Samarinda hiria itsasartetik 48 kilometrora dago, Mahakam ibaiaren bazterrean.
Ikus, gainera
- Makassar itsasarteko gudua
- USS Makassar itsasartea
- Malakako itsasartea
- Sondako itsasartea
- Lombok itsasartea
- Wallace Lerroa
Erreferentziak
- ↑ Makassar Strait. global.britannica.com (Noiz kontsultatua: 2016-9-8).
Kanpo estekak
| Autoritate kontrola |
|
|---|
Datuak: Q194477
Multimedia: Strait of Makassar / Q194477
