Santa Katalina zubia

Santa Katalina zubia
Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°19′16″N 1°58′41″W / 43.321°N 1.978°W / 43.321; -1.978
Arkitektura
Arkitektoa	Antonio Kortazar

Santa Katalina zubia^[1] Donostia hiriko Erdialdean dagoen zubi bat da. Urumea ibaia zeharkatuz Askatasunaren etorbidea eta Mirakruz kalea lotzen ditu. Urumea ibaia zeharkatzen duten lehenbiziko sei zubietatik bigarrena da Santa Katalina (beste lauak Zurriola zubia, Maria Kristina zubia, Mundaitz zubia, Agirre Lehendakaria zubia eta Errealaren zubia dira).

Historia

Antzinako egurrezko Santa Katalina zubiaren lehen aipamenak XIV. mendekoak dira; garai hartan hirigunean Urumea zeharkatzen zuen zubi bakarra zen, eta XIX. mendera arte honela jarraitu zuen.

1872an, gaur egungo zubi neoklasikoa inauguratu zuten, Antonio Kortazar arkitektoaren zuzendaritzapean, eta 1874an egurrezko zubia ("Zubi-zarra" izenez ezaguna)^[2] eraitsi zuten.^[3] 2014ko otsailaren 2ko enbataren ondorioz, kalte handiak izan ziren zubian.

Egitura

Lau arku beheratu ditu eta harlanduzko lana da. Mutrikuko harri argiekin eta Ereñoko kareharri gorriekin eginda dago.

Erreferentziak

Kanpo estekak

Euskarazko Wikipedian bada atari bat, gai hau duena: Donostia

• Santa Katalina zubia Euskadiko Turismo Bulegoaren webgunean^{[Betiko hautsitako esteka]}

• Datuak: Q12266990
• Multimedia: Santa Catalina bridge (Donostia-San Sebastián) / Q12266990