Monte Perdido

Monte Perdido / Mont Perdito
Datu orokorrak
Prominentzia	973 m
Mota	mendi
Geografia
Koordenatuak	42°40′26″N 0°02′00″E / 42.6739°N 0.0333°E / 42.6739; 0.0333
Mendikatea	Monte Perdido mendilerroa
Estatu burujabe	Espainia
Autonomia	Aragoi
Babestutako-eremua	Ordesa eta Perdidoko Parke Nazionala
Mendizaletasuna
Lehen igoera	1802ean.
Ohiko bidea	Goriztik.
Geologia
Material nagusia	kareharri

Monte Perdido edo Mont Perdito^[1] mendia (aragoieraz Mont Perdito, frantsesez Mont Perdu) Erdialdeko Pirinioetako hirugarren gailurrik garaiena da, 3.355 metrorekin. Mont Perdito Tres Serols mendigunean kokaturik dago^[1], Cilindro (3.328 m) eta Pico Añisclo (3.254 m) mendiekin batera.

Ordesako haranean, Huescako probintzian (Aragoi), kokaturiko mendi hau, Europako mendigune kalkareo garaiena da. Monte Perdidoko mendigunearen bi aldeak (bai espainiarra, eta bai frantsesa) babesturiko eremuak dira, Espainiako aldea Ordesako parke nazionalean dago, eta Frantziako aldea Parc National des Pyrénéeseko parke nazionalean.

Lehen igoera erregistratuta 1802an izan zen, Louis Ramond de Carbonièresen eskutik.

Mendizaleen artean, oso gailur ezaguna da, bai gailur nahiko erraza delako, eta bai igotzeko zeharkatu behar diren haranen ikusgarritasunarengatik.

Igotzeko bideak

• Ordesatik (bide arrunta).
• Serradetseko aterpetik.
• Tucarroyako aterpetik.
• Eskailerak.
• Iparreko paretatik.

Monte Perdidoko Glaziarra

Pirinioak - Monte Perdido1 UNESCOren gizateriaren ondarea
Monte Perdidoko glaziarra, mendigunearen ipar aldean.
Mota	Mistoa
Irizpideak	iii, iv, v, vii, viii
Erreferentzia	773
Kokalekua	Espainia  Frantzia
Eskualdea2	Europa eta Ipar Amerika
Izen ematea	1997 (XXI. bilkura)
Luzapen urtea	1999
1 UNESCOk jarritako izen ofiziala (euskaratua) 2 UNESCOren sailkapena

Monte Perdidoko ipar aldean kokatzen da Pirinioetako azken glaziarretako bat. Bi mailatan banaturik dago eta 2700 eta 3200 metrotako garaieran kokatzen da.

Pirinioetako beste glaziarrak bezala, desagertzeko bidean dago, glaziarraren bolumen eta azalera urtez urte murriztuz doaz eta.

Erreferentziak

Ikus, gainera

• Ordesa eta Perdidoko Parke Nazionala
• Pirinioetako hirumilakoen zerrenda

Kanpo estekak

• (Gaztelaniaz) Monte Perdido Mundu Ondarearen webgunea^{[Betiko hautsitako esteka]}
• (Ingelesez) Pirinio-Monte Perdidoko fitxa UNESCOko webgunean

• Datuak: Q215662
• Multimedia: Monte Perdido / Q215662