Ramon Labaien

Ramon Labaien
Eusko Legebiltzarkidea 1987ko urtarrilaren 8a - 1990eko irailaren 3a Eusko Legebiltzarkidea 1987ko urtarrilaren 8a - 1990eko irailaren 3a Barrutia: Gipuzkoa Hautetsia: Eusko Legebiltzarreko III. legealdia Donostiako alkate 1983ko maiatzaren 20a - 1987ko ekainaren 20a ← Jesus Maria Alkain - Xabier Albistur → Eusko Jaurlaritzako sailburu 1980 - 1983
Bizitza
Jaiotza	Tolosa, 1928ko abuztuaren 31
Herrialdea	Gipuzkoa, Euskal Herria
Lehen hizkuntza	gaztelania euskara
Heriotza	Donostia, 2013ko abenduaren 14a (85 urte)
Familia
Aita	Antonio Maria Labaien
Seme-alabak	ikusi Joanes Labaien
Anai-arrebak	ikusi Matxin Labaien
Familia	ikusi Bakartxo Tejeria Otermin (errain)
Hezkuntza
Heziketa	Madrilgo Complutense Unibertsitatea lizentzia : kimika
Hizkuntzak	gaztelania euskara
Jarduerak
Jarduerak	general manager (en) , politikaria eta kimikaria
Lantokia(k)	Donostia Ingalaterra eta Nafarroa Garaia
Sinesmenak eta ideologia
Alderdi politikoa	Eusko Alderdi Jeltzalea

Ramon Maria Labaien Santsinenea (Tolosa, Gipuzkoa, 1928ko abuztuaren 31 – Donostia, Gipuzkoa, 2013ko abenduaren 14a) euskal herritar enpresaburu, politikari eta euskaltzalea izan zen. EAJko kidea, 1980-1983 bitartean Eusko Jaurlaritzako Kulturako sailburua eta 1983-1987 bitartean Donostiako alkatea izan zen.^[1] Euskal Herriko historian aditua zen, eta hainbat hedabidetan artikuluak idatzi zituen. Antonio Maria Labaien idazle eta politikariaren semea eta Martin Labaien idazle eta margolariaren anaia zen.

Bizitza

Tolosako San Frantzisko kalean jaio zen. Laskurain ikastolan ikasi zuen, euskaraz. Han zortzi urtez bizi izan zen, Espainiako Gerra Zibila etorri zen arte. Laskurain ikastolan ikasi zuen, euskaraz. Bere aita Antonio Maria Labaien Tolosako alkatea zen, EAJ alderdikoa, eta gerran familia osoa ihesi joan behar izan zuten; Zarautzera joan ziren, eta handik Oñatira. Gero Ipar Euskal Herrira joatea lortu zuten, eta 9 urte egin zituzten bertan, Donibane Lohizunen eta Saran. Bertako ikastetxeetan ibili zen, eta bueltan, jesuitekin ikasi zuen batxilergoa, Donostian.

Gerora, Madrilen, Kimika Zientzietan lizentziatu zen. Ingalaterra nahiz Nafarroan kontserba industrian lan egin zuen. Ondoren, turismo enpresen zuzendaritzara iragan zen, 15 urtetan zehar Donostiako Londres hotelaren zuzendaria izan baitzen. 1978ko urritik aurrera Donostiako Udaleko lehenbiziko teniente alkatea eta 1978ko ekainetik aurrera Aurrezki Kutxa Munizipaleko presidentea izan zen. 1979ko Euskal Autonomia Erkidegoko Estatutuaren onartu ostean, 1980tik 1983ra Eusko Jaurlaritzako aurreneko Kultura sailburua izan zen. Honela bada, 1980an eratutako Eusko Jaurlaritzak kultura eta kirol sailetan burututako lana bere ardurapean egon zen. Euskal Telebista, Euskadi Irratia, HABE, Antzerti eskola eta Euskadiko Orkestra Sinfonikoa agintaldi hartan, sortu ziren. Beti euskararen aldeko babes politika irmoa, eta kultura arazoen aurrean zuen ikuspegi modernoa eta irekia nabarmendu zuen.^[2] Ondoren, 1983tik 1987ra Donostiako alkate izan zen.

Erreferentziak

1. ↑ «Ramon Labayen hil da, euskal politika eta kulturaren bidegilea», Eitb.com, 2013-12-14.
2. ↑ (Gaztelaniaz) Ainhoa AROZAMENA AYALA: «Ramón María Labayen Sansinenea», Auñamendi Eusko Entziklopedia.

Aurrekoa Jesus Maria Alkain (EAJ)

Donostiako Alkatea 1983ko maiatzaren 20tik - 1987ko ekainaren 20ra

Ondorengoa Xabier Albistur (EA)

Aurrekoa Karguaren sorrera

Eusko Jaurlaritzaren Kultura Sailburua 1980-1983

Ondorengoa Joseba Arregi

	Eusko Jaurlaritza (1980-1984)
Carlos Garaikoetxea (Lehendakaritza) Javier Caño (Lehendakaritzaren Idazkaritza) • Pedro Miguel Etxenike (Hezkuntza) • Ramon Labaien (Kultura) • Carmelo Renobales (Justizia) • Luis Maria Retolaza (Herrizaingoa) • Jesus Javier Agirre (Osasun eta Gizarte Segurantza) • Felix Ormazabal (Nekazaritza) • Pedro Luis Uriarte (Ekonomia eta Ogasuna) • Mario Fernandez (Lana eta Autonomia Garapenerako Lehendakariordetza) • Javier Garcia Egotxeaga (Industria) • Jose Luis Robles (Garraio, Komunikabide eta Itsas Arazoak) • Xabier Lasagabaster (Lurralde Plangintza eta Herri Lana) • Carlos Blasco (Merkataritza eta Turismo) • Juan Carlos Isasti (Industria eta Energia)