Iruñeko Gotzain Jauregia

Gotzain Jauregia
UNESCOren gizateriaren ondarea
Iruñeko Alde Zaharra Nafar bidea
Gotzain Jauregiaren ikuspegia Santa Maria Erreala plazatik ikusita. Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Iruñea
Koordenatuak	42°49′06″N 1°38′22″W / 42.81835°N 1.63934°W / 42.81835; -1.63934
Historia eta erabilera
Eraikuntza	1732 - 1736
Inaugurazioa	1737ko apirila
Komisarioa	Melchor Angel Gutiérrez Vallejo (en)
Elizbarrutia	Iruñeko elizbarrutia Iruñeko artziskiziak Iruñea eta Tuterako artxidiozesia
Arkitektura
Estiloa	arkitektura barrokoa
Gizateriaren ondarea
Erreferentzia	669-192
Eskualdea[I]	Europa eta Ipar Amerika
Izen-ematea	bilkura)
192
↑ UNESCOk egindako sailkapenaren arabera

Gotzain Jauregia Iruñeko Alde Zaharrean dagoen XVIII. mendeko jauregi barroko bat da.

Kokalekua

Santa Maria Erreala plazan dago, Iruñeko katedralarekin parez-pare, Iruñeko harresien mendebaldeko hormaren eta haren pasabidea den Barbazan Apezpikuaren ingurubidearen alboan.

Eraikina

Nahiz eta Iruñea bisigodoen garaitik gotzainen egoitza izan, Iruñeko gotzainak eraikin hau eraiki aurretik ez zuen bere berezko egoitzik izan. Nafarroako erregeek gotzainari San Pedroko Errege Jauregia utzi zioten, baina hika-mika luzeen ondoren XV. mendean itzuli beharra izan zuten. Ordutik aurrera eta eraikin hau eraiki arte gotzaina hainbat etxaldetan bizi behar izan zuen.

• 
  Aurrealdea.
• 
  Ataria.
• 
  Apaindura.

Eraikuntza lanak 1732an hasi eta 1736an amaitu ziren. Iruindar barroko eraikin edo lan nagusienetakoa da. Bere atari nagusia Santa Maria la Real plazan dago. Eraikina Erriberako jauntxoen egoitzen estilokoa da, behealdeko eta tarteko solairuetan harlanduzko oinaldea du, begibistako adreiluz jarraitua, teilatu-hegala arkudun areto batez koroatua dagoelarik. Solairu nobleak balkoi irtenak ditu.

Portada edo atariak protagonismo handia izanik, erdigunea adierazten du. Miguel Goienetak erretaula txiki baten itxuraz diseinatu zuen, bertan San Ferminen irudi bat dagoelarik. Konposizioa aldameneko aurrealdean ere errepikatzen da.

1973an eraikinaren zaharberritzea egin zen, betiere jatorriko barnealdea bere hartan mantenduz.

Erdi Aroan gaur egun plaza dagoen lekuan Judutegia zegoen, gune honetan sinagoga kokatua zegoelarik. XVI. mendean Mesedetako ordenak leku honetan bertan 1945. urterarte mantendu zen konbentu berri bat eraiki zuten, konbentua eraitsi zenean gaur egungo Santa Maria la Real plaza bilakatuz.

Ikus gainera

• Iruñeko Kultura Ondasun zerrenda

Kanpo estekak

• Datuak: Q66438860
• Multimedia: Palacio Episcopal de Pamplona / Q66438860