Frederick Reines

Frederick Reines
Irudi gehiago
Bizitza
Jaiotza	Paterson (New Jersey), 1918ko martxoaren 16a
Herrialdea	Ameriketako Estatu Batuak
Heriotza	Orange (Kalifornia), 1998ko abuztuaren 26a (80 urte)
Hezkuntza
Heziketa	New Yorkeko Unibertsitatea Stevens Institute of Technology (en) Union Hill High School (en)
Doktorego ikaslea(k)	Michael K. Moe (en)
Hizkuntzak	ingelesa
Jarduerak
Jarduerak	fisikaria eta unibertsitateko irakaslea
Parte-hartzailea Manhattan Proiektua
Enplegatzailea(k)	Case Western Reserve University (en) University of California, Irvine (en) Los Alamosko Laborategi Nazionala
Lan nabarmenak	ikusi neutrino
Jasotako sariak	ikusi John Simon Guggenheim Memorial Foundation beka Fisikako Nobel Saria  (1995) Zientzia Domina Nazionala  (1983) J. Robert Oppenheimer Memorial Prize  (1981) Franklin domina  (1992) Panofsky Prize  (1992) Eagle Scout
Kidetza	Zientzien Errusiar Akademia Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia Zientziak Aurrera Egiteko Elkarte Amerikarra Ameriketako Fisika Elkartea

Frederick Reines (Paterson, New Jersey, 1918ko martxoaren 16a - Los Angeles, Kalifornia, 1998ko abuztuaren 26a) estatubatuar fisikaria izan zen. Fisikako Nobel saria, neutrino partikula azpiatomikoaren existentzia berresteagatik.

New Yorkeko Unibertsitatean egin zituen ikasketak (1944). Gero Manhattan proiektuan lan egin zuen, Los Alamosen, Mexiko Berrian, bonba atomikoa prestatzen. 1959an Ohiora joan zen, eta 1966an Kaliforniako Unibertsitatera, Irvinera. Neutrinoen lehenengo deskribapena Wolfgang Paulik egin zuen 1930ean. Erradioaktibitateari buruzko bere lanetan, Paulik garrantzi handiko aurkikuntza egin zuen: nukleo atomiko erradioaktiboen desintegrazioan igortzen diren elektroien energia eta prozesuan neurtutako energia galera osoa ez zetozela bat. Beraz, partikula azpiatomiko bat "asmatu" zuen, kargarik gabea, eta nukleoaren desintegrazio prozesuan igorriko zena. Arrazoibide hori fisikaren funtsezko legeetako batean oinarritzen zen: energiaren kontserbazioaren legean, alegia. Lege horren arabera Unibertsoko energia kopurua berdina da beti, ezin da sortu eta ezin da suntsitu. Reines lege hori atomo mailan eta maila azpiatomikoan ere berdin beteko zelakoan zegoen. 1950eko hamarraldian, Clyde Cowan fisikariarekin batera, esperimentu bat prestatu zuen partikula azpiatomikoen talkak uretan aztertzeko. Urtebete geroago, nahiko froga bildu zuen neutrinoak partikula libre gisa existitzen zirela iragartzeko. Paulik sumatzen zuen bezala, neutrinoak elektroiekin batera igortzen ziren desintegrazio erradioaktiboetan. 1995ean Fisikako Nobel saria jaso zuen, Martin L. Perlekin batera.

Erreferentziak

Kanpo estekak

• Datuak: Q191922
• Multimedia: Frederick Reines / Q191922