Heinrich Rohrer
| Heinrich Rohrer | |
|---|---|
  Irudi gehiago | |
| Bizitza | |
| Jaiotza | Buchs (SG), 1933ko ekainaren 6a |
| Herrialdea |  Suitza |
| Heriotza | Wollerau, 2013ko maiatzaren 16a (79 urte) |
| Familia | |
| Ezkontidea(k) | Rose-Marie Egger (en)  |
| Hezkuntza | |
| Heziketa | ETH Zürich |
| Tesi zuzendaria | Wolfgang Pauli |
| Hizkuntzak | alemana |
| Jarduerak | |
| Jarduerak | fisikaria |
| Enplegatzailea(k) | IBM |
| Jasotako sariak | ikusi
|
| Kidetza | Ameriketako Estatu Batuetako Zientzien Akademia Nazionala Zientzien Errusiar Akademia Academia Europaea (en) |
Heinrich Rohrer (Buchs, Sankt Gallen kantonamendua, 1933ko ekainaren 6a - Wollerau, Schwyz kantonamendua, 2013ko maiatzaren 16a) suitzar fisikaria izan zen.
Zuricheko Teknologiako Suitzar Institutuan egin zituen ikasketak, eta han lortu zuen doktoregoa. 1961etik 1963ra, Estatu Batuetan lan egin zuen, New Jerseyko Rutgers Unibertsitateko ikertzaile gisa. Gero, IBM etxeak Zurichen duen ikerketa-laborategian hasi zen lanean. Han ari zela sortu zuen STM mikroskopioa, tunel-efektuko lehenengo mikroskopio elektronikoa, Gerd Binnig lankidearekin batera. Tresna horri esker iker daiteke gainaldeen egitura eta antzeman daitezke maila azpiatomikoko xehetasunak. Mikroskopio horretan, atomoetan agertzen diren elektroiak baliatu, eta tentsio handiak erabili zituzten Roherrek eta Binnigek, material baten gainaldearen eta mikroskopioaren zundaren artean korronte elektrikoa sortzeko eta materiala osatzen duten atomoen erliebe-mapa teknika berezi baten bidez lortzeko. 1986an, Rohrerrek eta Binnigek Fisikako Nobel saria eskuratu zuten lan horri esker. Ernst Ruskak ere jaso zuen sari hori, 1932an lehenengo mikroskopio elektronikoa egin izanagatik.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Autoritate kontrola |
|---|
Datuak: Q123029
Multimedia: Heinrich Rohrer / Q123029
