Laois konderria

Laois konderria
County Laois Contae Laoise
Island_of_Ireland_location_map_Laois.svg
Geografia
Hiriburua	Portlaoise 53°1′51″N 7°18′3″W
Azalera	1.719
Mugakideak	Offalyko konderria, Kildareko konderria, Carlowko konderria, Kilkennyko konderria eta Tipperaryko konderria
Administrazioa
Legebiltzarra	legislative body of Laois County Council (en)
Demografia
Biztanleria	67.012 (2016)
Dentsitatea	38,96 bizt/km²
Historia
Sorrera data: 1556
Bestelako informazioa
Ordu eremua	ikusi UTC±00:00
laois.ie

Laois konderria (gaeleraz Contae Laoise) Irlandako erdialdean dago kokatuta, Leinsterreko probintzian. 1.719 km2-ko azalera dauka eta 80.559 biztanle zituen 2011an. Portlaoise dauka hiriburu eta hiri nagusia.

Hiri eta herriak

• Portlaoise/Port Laoighise (20.145 biztanle), hiriburua.
• Portarlington/Cúil an tSúdaire (7.788) Laois eta Offalyren artean
• Mountmellick/Móinteach Mílic (4.137)
• Abbeyleix/Mainistir Laoise (2.569)

Historia

Jakina da k.a. 8.500 urte inguruan jadanik talde ehiztari-biltzaileak izan zirela eremuotan. Neolito garaian (k.a. 4.000-2.500) basoak soildu eta zekaleak landatu ziren.

Kristautasuna VI mendean iritsi zen. San Canicek Aghaboe abade-etxea sortu zuen eta San Mochuak Timahoe monasterioa. Rock of Dunamase gaztelua ere garai hartakoa da.

XII mendean normandiarrek lurraldea konkistatu eta leinster probintzian sartu zuten. Gotorleku ugari altxatu eta erabat kontrolatu zituzten lurrik onenak, bertako buruzagiek zohikaztegietara alde egin behar izan zutelarik.

1556an sei lurralde batu eta konderria osatu zuten. Konderriaren izena Queen's County ("Erreginaren konderria") zen Maria I.a Ingalaterrakoaren erregealdian egin baitzen. Sei lurraldeen artean Leix (irlanderaz "Laois") nagusituz joan zen. Hurrengo mendean bi kolonizazio aro ezagutu zituen Laoisek eta ingelesez bete zen.

XIX mendeko Gosete Handiak gogor jo zuen konderria eta populazioa nabarmen jeitsi zen, asko hil egin ziren eta beste askok atzerrira alde egin zuten.

Irlandako Errepublika sortzean konderriaren izena Laoighis eta Leix bihurtu zen eta 2001etik aurrera Laois da. Hala ere lurrak salerosterakoan oraindik Queen's County izena ere erabiltzen da.

Ekonomia

Abeltzaintza da jarduera ekonomiko nagusia. 230.000 abelburu daude, biztanle bakoitzeko hiru. Zohikatza ere garrantzitsua da konderriaren ekonomian. Industriagune txiki batzuk badaude herri handenetan kokaturik, baina 1.500 pertsonek baino ez dute sektore horretan lan egiten.

Ondasun nabarmenak

• Rock of Dunamase gazteluaren aztarnak
• Durrow gaztelua
• Timahoe dorrea
• Emo Court jauregia

Pertsona ezagunak

• Cecil Day-Lewis (1904-1972), poeta.

Iruditegia

• 
  Rock of Dunamase gazteluaren aztarnak
• 
  Durrow gaztelua
• 
  Timahoe dorrea
• 
  Emo Court jauregia

Kanpo estekak

• Konderriko webgune ofiziala

• Datuak: Q55299
• Multimedia: County Laois / Q55299