Viktoria Modesta

Viktoria Modesta
Irudi gehiago
Bizitza
Jaiotza	Daugavpils, 1988ko otsailaren 25a (36 urte)
Herrialdea	Letonia  2000)  Erresuma Batua  (2000 -
Hezkuntza
Hizkuntzak	ingelesa
Jarduerak
Jarduerak	modeloa eta egile abeslaria
Enplegatzailea(k)	Crazy Horse (en)
Jasotako sariak	ikusi 100 Emakume (BBC)  (2016) 100 Emakume (BBC)
Genero artistikoa	musika elektronikoa
viktoriamodesta.com

Viktoria Modesta Moskalova (Daugavpils, Letonia, 1988ko otsailaren 25ean) letoniar jatorriko modelo eta abeslari britainiarra da.

Biografia

Viktoria 1988ko otsailaren 25ean jaio zen Daugavpilsen, Letonian. Musikarenganako zaletasuna txikitatik datorkio. 6 urte zituenean, pianoa, partitura eta kanta ikasten hasi zen Daugavpilsko musika eskolan. 1999an Londresera joan zen bizitzera bere gurasoekin.

Jaiotzean izandako zabarkeria mediko baten ondorioz, bere haurtzaroan egonaldi luzeak igaro behar izan ditu ospitaleetan.^[1] Zabarkeria horrek arazo ugari eman zizkion bere ezkerreko hankarekin. 2007an, bere mugikortasuna hobetzeko eta etorkizunean osasun arazoak ekiditeko asmoz, Viktoriak ezkerreko hanka belaunetik behera ebakitzeko ebakuntza egitea erabaki zuen. Anputazioa eragozpena izan ordez, bere burua artista bionikotzat aurkezten du harro.^[2]

Ibilbide profesionala

Modelo bezala

Moskalova 15 urterekin hasi zen modelo. Batez ere Erresuma Batuko underground kulturako hainbat aldizkaritan agertu da, adibidez 4 aldiz agertu da Bizarre aldizkariaren azalean.

James Stroudek atera zion erretratu biluzia Londresko National Portrait Galleryn egon zen ikusgai.

Musika

2002an urtebeteko ahots-teknologia ikastaroa egin zuen Londresko Musika Eskolan. 2009an Nik Hodges musikari eta ekoizlearekin elkarlanean proiektu bat abiatu zuen. Beraien lehendabiziko lana "Jane Bond" Music Week-eko zerrendan agertu zen.

2012ko maiatzaren 28an Moskalovak bere debuteko "Only You" singlearen argitalpen digitala kaleratu zuen.

2014ko abenduaren 12an Channel 4 telebista-kate publiko britainiarrarekin elkarlanean "Born Risky" kanpaina atera zuen. Bertan bere burua munduko lehen pop artista bionikotzat aurkeztu zuen, Prototype abestiaz lagunduta. Saam Farahmand-ek diseinatu eta zuzendu zuen kanpainaren bideoa.

2012ko Udako Paralinpiar Jokoen amaiera ekitaldia

2012ko Udako Paralinpiar Jokoei amaiera emateko ekitaldian, Veronikak "Snow Queen" papera antzeztu zuen Coldplay taldeak zuzenean abestu zuen "42" kantan. Swarovski kristalez apaindutako protesia eramanez egindako agerraldia mintzagai izan zen The Times, Grazia eta Look aldizkarietan.

Erreferentziak

Kanpo estekak

• (Ingelesez) Viktoria Modestaren webgunea

• Datuak: Q7929914
• Multimedia: Viktoria Modesta / Q7929914