Telmo Aldaz

Elkarte Tradizionalista Karlistako presidentea

2020ko abenduaren 27a -

Bizitza

Jaiotzako izen-deiturak

Telmo Aldaz de la Quadra-Salcedo

Jaiotza

Iruñea, 1970 (53/54 urte)

Herrialdea

Nafarroa Garaia, Euskal Herria

Familia

Ama

Ana María de la Quadra-Salcedo y Gayarre

Familia

ikusi

Miguel de la Quadra-Salcedo (osaba)

Hezkuntza

Heziketa

Madrilgo Complutense Unibertsitatea

Hizkuntzak

gaztelania

Jarduerak

abenturazalea, marinela eta telebista aurkezlea

Sinesmenak eta ideologia

Alderdi politikoa

Elkarte Tradizionalista Karlista

Telmo Aldaz de la Quadra-Salcedo (Iruñea, 1970) nafar abenturazale eta itsasgizona da. Itsaso nahiz lurrez burututako bidai ibilbide luzea du. Miguel de la Quadra-Salcedo abenturazalearen iloba ere bada^[1]. Aita itsasgizona eta ama arkeologoa, bera Zuzenbidean lizentziatua da.^[2]^[3] 2020ko abenduaren 27tik Elkarte Tradizionalista Karlistako lehendakaria da^[4].

Ibilbidea

1992an Carlos Etaio Elizondon Etaio Kapitaina abenturazale nafarrarekin batera Kristobal Kolon esploratailearen La Niña ontziaren erreplika batean Ozeano Atlantikoa zeharkatu zuten. Itsas bidai honek eta beste batzuk eskarmentua eman eta itsasgizon bezala zaildu egin zuten.

1995an Yekuona indigenekin batera kanoa bat eraiki eta Orinoko ibaian zehar oihanetan barneratu zen. Yekuona herria Kristobak Kolon esploratzaileak bere bidaietan topatu zituen karibe herriaren ondorengo gisa jo izan ohi dira. Ondoren, Yekuonatar batzuekin batera kanoa baten arraun eginez Jamaika eta Dominikar Errepublika arteko itsas bidaia burutu zuen, tartean itsasoan desagertutzat jo izan zirelarik ere, baina azkenean neke askoren ondoren helburua lortu zuten.^[3]

1997an Zaireko Gerraren erdian isolaturik zeuden nafar misiolariei laguntza eramatea bururatu eta bertaratu zen. Mobutu Sese Sekoren gudariekin batera Kongo ibaian barna bidai arriskutsua gauzatu zuen. Azkenean, txalupak lur jota amaitu zuen.^[3]

2005an Juan Sebastian Elkano esploratzailearen Victoria ontziaren erreplika batean boluntario gisa itsasoratu eta hark egin zuen pare munduari bira eman zion. Panama eta Hawaii arteko ibilbidea bi hilabetetan zehar burutu zuen.

2006an Rumbo al Sur proiektuari ekin zion. Bertan Madrilgo Erkidegoko gazteek Afrikako errealitatea ezagutu zezaten Madril hiritik Dakar hirirako bidaia egin zuten, bide batez ibilbide osoan topatu zituzten giza laguntza proiektuak ezagutuz.

Roge Blasco kazetariak bere La Casa de la Palabra eta Levando Anclas irratsaioetan hainbat alditan elkarrizketatu izan du.

Erreferentziak

↑ Telmo Aldazen biografia laburra. Eitb.com (Gaztelaniaz)
↑ Telmo Aldaz, navegante. Diario de Navarra^{[Betiko hautsitako esteka]} (Gaztelaniaz)
↑ ^a ^b ^c Kolonbiar enigmak. Francisco Morales doktore jauna. 2003ko ekainaren 28a. Quetzal Ibilbidea. Abc.es (Gaztelaniaz)
↑ (Gaztelaniaz) «Carta de Telmo Aldaz de la Quadra-Salcedo, nuevo presidente de la Comunión» Comunión Tradicionalista Carlista 2021-01-04 (Noiz kontsultatua: 2021-01-24).