Proventza-Alpeak-Kosta Urdina

Proventza-Alpeak-Kosta Urdina
Provence-Alpes-Côte d'Azur

flag of Provence-Alpes-Côte d'Azur (en) Itzuli
Geografia
HiriburuaMarseilla
43°17′48″N 5°22′35″E
Azalera31.400
Punturik altuenaBarre des Écrins
MugakideakPiemonte, Liguria, Auvernia-Rodano-Alpeak eta Okzitania
Administrazioa
Renaud Muselier (en) Itzuli
Demografia
Biztanleria5.127.840 (2021)
29.174 (2020)
Dentsitatea163,31 bizt/km²
Erabilitako hizkuntzak
ikusi
  • okzitaniera
Ekonomia
Historia
Sorrera data: 1970eko urtarrilaren 11
Bestelako informazioa
Ordu eremua
ikusi
  • Udako ordutegi: UTC+02:00
    ordutegi estandarra: UTC+01:00
maregionsud.fr

Proventza-Alpeak-Kosta Urdina[1][2] (frantsesez: Provence-Alpes-Côte d'Azur, okzitanieraz: Provença-Aups-Còsta d'Azur, frankoproventzeraz: Prouvènço-Aup-Costo d'Azur) Frantziako eskualdea da, Okzitaniako lurraldea ere dena.

Mugakide hauexek ditu: iparraldean Auvernia-Rodano-Alpeak, mendebaldean Okzitania, ekialdean Piemonteko eskualdea (Italia) eta hegoaldean Mediterraneo itsasoa (eta Monako).

Marseilla da eskualdeko hiriburu eta hiri nagusia biztanleei dagokienez. Niza eta Toulon bigarren eta hirugarren hiri handienak dira, hurrenez hurren.

Sei departamendu ditu eskualdeak: Proventza Garaiko Alpeak, Alpe Garaiak, Itsas Alpeak, Rodanoren Ahoak, Var eta Vaucluse.

Alpe mendialdearen hegoaldeko mendiek hartzen dute Proventza-Alpeak-Kosta Urdina lurraldeko parte handiena, eta orografiak behera egiten du hegoaldera jo ahala. Côte d'Azur izena ematen zaio hego-ekialdeko kostaldeari. Comtat, Crau eta Camargueko ordokiak daude mendebalean. Rodano ibaiak, beraren adarrak (Drôme, Ouvèze, Nesque, Coulon, Durance), Argens, Var eta Vesubio ibaiak igarotzen dira handik.

Klima mediterraneokoa da hegoaldean eta ekialdean, eta Alpe aldekoa, berriz, iparraldean. Biztanle gehienak kostaldean eta Rhône ibaiaren ertzetan bizi dira. Hirietan bizi da biztanleen % 80. Nekazaritza (mahatsa, olibondoak, garia, garagarra), industria (petrolio findegiak, industria petrokimikoa, hegazkingintza) eta, batez ere, turismoa ekonomi jarduera nagusiak dira.

Erreferentziak

  • Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
  1. ↑ Euskaltzaindia. (PDF) 36. arauaː Frantziako Errepublikako eskualde, departamendu eta hiriburuen izenak. .. 1995era arte Provence-Alpes-Côte-d'Azur arautua
  2. ↑ Izen historiko gisa Proventza erabili daiteke. 139. araua. Euskaltzaindia (Noiz kontsultatua: 2010-9-21).

Ikus, gainera

Kanpo estekak

Autoritate kontrola
  • Wikimedia proiektuak
  • Wd Datuak: Q15104
  • Commonscat Multimedia: Provence-Alpes-Côte d'Azur / Q15104
  • Wd Datuak: Q15104
  • Commonscat Multimedia: Provence-Alpes-Côte d'Azur / Q15104