Pilar Idoate

Pilar Idoate
Bizitza
Jaiotza	Markalain, 1955eko otsailaren 20a (69 urte)
Herrialdea	Nafarroa Garaia, Euskal Herria
Jarduerak
Jarduerak	sukaldaria eta enpresaburua

María Pilar Idoate Vidaurre (Markalain, Nafarroa, 1955eko otsailaren 20a) nafar sukaldari eta enpresaburua da.^[1]

Biografia

Markalainen (Nafarroa) jaio zen eta Aniceta Vidaurre eta Francisco Idoateren alaba zaharrena da. Aitak, Iruñeko Hostal Europa erosi zuen 1971n, seme-alabek eraman zezaten hazi ahala.^[2] Hamasei urte zituela, sukaldean hasi zen lanean, eta modu autodidaktikoan ikasi zuen bertako produktua eta Nafarroako errezeta-liburu tradizional eta herrikoia lantzen, liburuetatik eta jatetxe eta biltzarretara egindako bisitetatik abiatuta. 1977an, negozioaren agintea hartu zuen anai-arrebekin batera, eta ordutik chef izan da.^[3]

1992an, Europa jatetxeak Michelin izar bat jaso zuen eta Michelin Gidan sartu zen. Harrezkero, Michelin izar horrek bere horretan dirau.^[1]

Pilar, Idoate Taldearen sortzailea izan zen, Juan Mari, Esther, Mari Carmen eta Iñaki anai-arrebekin batera. Hauek osatzen dute taldea: Europa hotel-jatetxea, Alhambra eta El Mercao jatetxeak, eta Doña Aniceta etxez-etxeko janari zerbitzua. Azken honetan semearekin egiten du lan.^[4]^[5] María Eugenia Idoate Pilarren ahizpari, 2002an Errege Gastronomia Akademiak aretoko maître onenaren saria eman zion.^[6]

Idoate Eurotocken ordezkaria da Nafarroan (Europako sukaldarien nazioarteko elkartea), eta Espainiako Sukaldarien eta Gozogileen Federazioko (FACYRE) enbaxadorea da Nafarroan.^[7]

Sariak eta aintzatespenak

Michelin izarra, 1992tik, Europa jatetxean.^[1]
Sol Repsol Europa jatetxean.^[8]
FEHR Ostalaritzako Sari Nazionala, 2013an.^[9]
Más Gastronomiako Gure sukaldariak sari berezia.^[10]
Gaztela eta Leongo I. Pintxoen Txapelketako epaimahaiko burua.^[11]

Nafarroako Revista Negocios aldizkariak 2008an emandako "Urteko enpresariak" saria.^[12]
Nafarroako Gobernuak 2012an emandako Turismo Saria.^[13]

Erreferentziak

↑ ^a ^b ^c «Europa» MICHELIN Guide.
↑ Lakunza, Rosana. «Pili Idoate: "Mi cocina es de raíz puesta al día con toques de vanguardia"» Noticias de Navarra.
↑ «Pili Idoate: "Nacermos para amar y ser amados"» EITB Radio Televisión Pública Vasca 2020-02-15.
↑ «Un premio con 'valores'» Spend It 27 de abril de 2019.
↑ Nahum, Sara. (2021-01-25). «Doña Aniceta: La cocina de Pilar Idoate llega a las casas» Diario de Navarra.
↑ «El secreto del éxito del Europa es su alma» Negocios en Navarra 2018-10-03.^{[Betiko hautsitako esteka]}
↑ Royo, Koldo. «Restaurante Europa. Emblemático restaurante considerado por su gastronomía.» A fuego lento.
↑ «Europa» Guía Repsol.
↑ «Premio Nacional de Hostelería 2013 a los Restaurantes Europa, Alhambra y El Merca'o {» Asociación de Empresarios de Hostelería de Navarra 31 de octubre de 3013.
↑ «Pilar Idoate, “Premio especial a nuestras cocineras”» The Spanish Food.
↑ «Pilar Idoate Vidaurre, presidenta del jurado del I Campeonato de Pinchos y Tapas de CyL en Palencia» www.europapress.es 2020-02-26.
↑ Castillo, Pedro. (2017-03-30). «Andosilla Gastronómica: HERMANOS IDOATE Y JAVIER DIAZ, INVITADOS DE HONOR 2017» Andosilla Gastronómica.
↑ «El Gobierno de Navarra ha entregado los premios de Turismo 2012» www.navarra.es 2 de mayo de 2012.