Oleg Blokhin

Oleg Blokhin
Irudi gehiago
Ukrainako diputatua 2002ko maiatzaren 14a - 2006ko maiatzaren 25a Hautetsia: 4th Verkhovna Rada (en) Ukrainako diputatua 1998ko maiatzaren 12a - 2002ko maiatzaren 14a Hautetsia: 3rd Verkhovna Rada (en)
Bizitza
Jaiotza	Kiev, 1952ko azaroaren 5a (71 urte)
Herrialdea	Sobietar Errepublika Sozialisten Batasuna  Ukraina
Familia
Aita	Vladimir Blokhin
Ama	Kateryna Adamenko
Ezkontidea(k)	Irina Deriugina (en)
Seme-alabak	ikusi Ireesha (en)
Jarduerak
Jarduerak	futbolaria, futbol entrenatzailea eta politikaria
Ibilbidea Taldeak Urteak J G Dinamo Kiev 1969 / 1988 432 211 SESBeko futbol selekzio nazionala 1972 / 1988 112 42 SK Vorwärts Steyr 1988 / 1989 41 9 Aris Limassol 1989 / 1990 22 5
Parte-hartzailea 1986ko Munduko Futbol Txapelketa 1982ko Munduko Futbol Txapelketa 1976ko Udako Olinpiar Jokoak 1972ko Udako Olinpiar Jokoak UEFA Euro 2012
Posizio edo espezialitatea	wing half (en)
Pisua	75 kilogramo
Altuera	180 zentimetro
Jasotako sariak	ikusi Master of Sport of the USSR, International Class Urrezko Baloia  (1975) Order of Merit (Ukraine), 3rd class Order of Merit (Ukraine), 2nd class Order of Merit, 1st class SESBeko Kirolaren Maisu ohorrezko Order of Prince Yaroslav the Wise, 5th class Order of Prince Yaroslav the Wise, 4th class Order of Prince Yaroslav the Wise, 3rd class Order of Prince Yaroslav the Wise, 2nd class National legend of Ukraine
Kidetza	4th Verkhovna Rada (en) 3rd Verkhovna Rada (en)
Sinesmenak eta ideologia
Alderdi politikoa	Sobietar Batasuneko Alderdi Komunista

Oleg Volodymyrovytx Blokhin (ukraineraz: Оле́г Володи́мирович Блохі́н, errusieraz: Оле́г Влади́мирович Блохи́н; Kiev, 1952ko azaroaren 5a) futbolari ukrainarra izan zen, SESBeko inoizko hoberenetarikoa izan dena eta 1975ean "Urrezko Baloia" lortu zuena. Kirol ibilbidearen gehiengoa Dinamo Kiev taldean egin zuen eta SESBeko futbol selekzio nazionalarekin partida gehien jokatu duen pertsona izan da (112), bai eta selekzio harekin gol gehien sartu dituena ere (42).

Bizitza

Futbol jokalari ibilbidea

1952 urtean jaio zen Kieven. Bere ama Ekaterina Adamenko atleta zen, 80 metro hesiko lasterketetan Sobietar Batasuneko txapelduna izana.

Gaztetatik erakutsi zituen bere doaiak eta 1969an egin zuen debuta hiriko Dinamo Kiev taldearekin baina 1972 arte ez zuen titular postua eskuratu. 1972 eta 1975 artean SESBeko Ligako golegile nagusia izan zen eta "Urteko futbolari sobietar onenaren" saria irabazi zuen. 1975ean "Urrezko Baloia" ere eman zioten. Urte haietan Dinamo Kiev taldeak bi liga, kopa bat eta Europako Errekopa irabazi zituen. Europako Superkopa ere lortu zuen, bi partidatan lorturiko hiru golak Blokhinenak izan ziren gainera. Oleg Blokhinek 23 urte baino ez zituen oraindik eta Europa guztiko prentsak Johan Cruyffekin alderatzen zuen.

Europako talde indartsuenek fitxatu nahi izan zuten baina Sobietar batasuneko agintariek ez zuten uzten 29 urtez azpiko jokalariek atzerriko taldeetan aritzen eta Dinamo Kieven jarraitu behar izan zuen, Sobietar Batasuneko beste hiru liga eta bi kopa irabaziz. Europako Errekopa berri bat ere irabazi zuen 1986an finalean Atletico Madril taldea 3-0 emaitzaz gaindituz.

19 urtez ibili zen Dinamo Kieven, 432 partida jokatu eta 211 gol sartuz. 1988an Austriako Vorwärts Steyr taldeak fitxatu zuen eta 1989an Zipreko Aris Limassolera joan zen, 1990an jokalari ibilbidea amaituz.

Selekzioarekin partida gehien jokatu dituen futbolaria izan da, eta gol gehien sartu dituena ere bai, ez zuen ordea titulurik irabazi. Olinpiar Jokoetan bi aldiz eskuratu zuen brontzeko domina.

Entrenatzaile ibilbidea

Gaur egun entrenatzailea da, eta hainbat europar talde gidatu ditu, batez ere Grezian, baina ez du jarraitasun handirik izan.

2003 eta 2007 urteen artean Ukrainako futbol selekzio nazionalaren entrenatzailea ere izan zen. 2006an Munduko Futbol Txapelketarako sailkatu zen eta final laurdenak jokatu zituen.

Lorpenak

Dinamo Kiev

• Europako Kopa:
  • final erdietan (3): 1977, 1987, 1999.
• Europako Superkopa:
  • Txapelduna (1): 1975.
  • Finalista (1): 1986.
• Europako Errekopa:
  • Txapelduna (2): 1975, 1986.
• SESBeko Liga (8): 1971, 1974, 1975, 1977, 1980, 1981, 1985, 1986
• SESBeko Kopa (5): 1974, 1978, 1982, 1985, 1987
• SESBeko Superkopa (3): 1980, 1985, 1986.

SESBeko selekzio nazionala

• Olinpiar Jokoak (0):
  • Brontzezko domina 1972 eta 1976an.

Wikimedia Commonsen badira fitxategi gehiago, gai hau dutenak: Oleg Blokhin