Koordinadora Abertzale Sozialista

Koordinadora Abertzale Sozialista

Datuak
Mota	erakundea
Ideologia	ezker abertzalea, Sozialismo iraultzailea, Eusko abertzaletasuna eta independentismoa
Osatuta	ETA politiko-militarra 1975eko abuztuaren 1a - 1977 Eusko Alderdi Sozialista 1975eko abuztuaren 1a - 1977ko uztailaren 3a Eusko Langile Indarra 1975eko abuztuaren 1a - 1976 Herriko Alderdi Sozialista 1975eko abuztuaren 1a - 1977ko uztailaren 3a Langile Abertzale Iraultzaileen Alderdia 1975eko abuztuaren 1a - 1976 Langile Abertzale Komiteak 1975eko abuztuaren 1a - 1976 Langile Abertzaleen Batzordeak 1975eko abuztuaren 1a, 1980 - 1978ko maiatza, 1994 Euskal Herriko Alderdi Sozialista 1975eko azaroa - 1977ko uztailaren 3a LAIA (bai) 1976 - 1980ko otsaila Abertzale Sozialista Komiteak 1977 - 1994 Euskal Iraultzarako Alderdia 1977ko apirilaren 3a - 1977ko abuztuaren 30a Herriko Alderdi Sozialista Iraultzailea 1977ko uztailaren 3a - 1992 KAS Emakumeak 1978 - 1988ko maiatzaren 8a Jarrai 1979ko maiatzaren 6a - 1994 ETApm (VIII) 1983 - 1984ko otsaila Egizan 1988ko maiatzaren 8a -
Historia
Sorrera	1975eko abuztuaren 1a
Ondorengoak	Ekin
Desagerpena	1998
Koloreak

Koordinadora Abertzale Sozialista, KAS, Euskal Herriko Euskal Nazio Askapenerako Mugimenduko taldeak koordinatzeko 1975ean, Burgosko Prozesuaren testuinguruan, sortutako plataforma politikoa izan zen.

Historia

Partaideak

Hasiera batean honako parte-hartzaileak izan zituen:

Alderdi politikoak: EHAS eta LAIA
Sindikatuak: LAB eta LAK
Talde armatuak: ETA (pm) hasiera batean eta geroago ETA(m) ere.

KAS Alternatiba

Sakontzeko, irakurri: «KAS Alternatiba»

Franco hil eta berehala aldaketa politikorako aukerak zeuden Euskal Herrian. Hori dela eta, KAS koordinadoran bildutakoek KAS Alternatiba plazaratu zuten. Alternatibak honako puntu hauek zituen:

Preso Politikoen askatasuna. Amnistia bultzatu zuten.
Askatasun demokratikoak.
Estatuko polizien (Guardia Zibila eta Espainiako Polizia Nazionalaren) disoluzioa edo Hego Euskal Herritik alde egitea.
Alderdi politiko guztiak legeztatzea, independentistak barne, euren estatutuak aldatu gabe.
Langileriaren bizi-egoera hobetzea. Helburu horren barnean, kapitalismoari kritika zorrotzak egin zizkion.
Euskadiren, (Hego Euskal Herriko) subiranotasun nazionala.
Hego Euskal Herrirako autonomia zabaleko erregimena eratzea. Honekin lotuta autodeterminazioa onartzea independentziarako lehenengo pausua moduan.
Euskara hizkuntza ofizial eta nazionala izatea.

Puntu hauetariko bakoitzak bere azpiatalak zituen, baina horrela laburtzen zen normalean.

Aldaketak

1976tik aurrera ETA(m)k KAS prioritariotzat jo zuen, eta 1977an ASK herri erakundea eta EIA sartu ziren bere barnean. 1977ko hauteskundetan parte hartzeko KAS Alternatiba betetzea jarri zuten minimo gisa, baina EIAk eta ETA (pm)-k akordio hori hautsi eta aurkeztu egin ziren.

Hala ere, 1978an HASI alderdia sartu zen, eta 1980an LAIA alderdia irten egin zen. Horren ondorioz, eraldaketa bat ere egin zuten euren funtzionamenduan eta, hortik aurrera, KASek bere burua euskal iraultzarako Bloke Zuzendari izendatu zuen. 1979an KASen gazteria, Jarrai taldea sortu zen.

1992an HASI alderdia disolbatzean KASen barruan birmoldatze prozesu bat hasi zen 1994an Txinaurri izeneko dokumentu bat osatzera eraman zuena eta ordurarteko KASen antolakuntza ereduari kritika sakonak egiten zuena, honek ASKren disoluzioa ekarri zuen eta KASetik LAB eta Jarrairen irteera, honela KAS antolakundeen koordinatzaile izatetik militante propioz osatutako erakundea izatera pasa baitzen. Hamarkada horren erdialdean, KAS desagertu egin zen.

Jada KAS existitzen ez zelarik, Baltasar Garzon epaileak antolakundea desegiteko agindua eman zuen, Ekin talde politikoarekin batera.

Bitxikeriak

1996an, Juan Maria Atutxa, Koordinadora Abertzale Sozialista ilegalizatzearen alde agertu zen publikoki. KAS, Jarrai, eta Amnistiaren aldeko batzordeak legez kanpo uztearen alde agertu zen.