Königsberg (alemanez ˈkøːnɪçsˌbɛɐ̯k ahoskatua, euskaraz: «erregearen mendia»; polonieraz: Królewiec, lituanieraz: Karaliaučius, behe-prusieraz: Keenigsbarg) Ekialdeko Prusiako hiriburua izan zen Behe Erdi Arotik 1945 arte, sobietarrek hartu eta Kaliningrad bezala berrizendatu zutenean. Ordena Teutonikoak sortua, portu-hiri garrantzitsua izan zen. Pregolia ibaiaren bokaleko enklabe batean zegoen, Vistulako itsas aintziran itsasoratzen dena.
Historia
Königsberg 1255ean sortu zuten antzinako Twangste zegoen lekuan. Iparraldeko Gurutzadetan zaldun teutonikoen prusiar kokalekua, Otakar II.a Bohemiakoa erregearen omenez izendatu zuten. Itsaso Baltikoko portu hau, beranduago, bere estatu monastikoaren hiriburu bihurtu zuten, eta, 1525etik aurrera, Prusiako dukerriko hiriburua izan zen. Hau da, hiriburua, 1701ean, Berlinera lekualdatu zuten arte. Ordutik aurrera eta 1945 arte, Prusiako eskualdeko hiriburua izan zen, eta ondoren Alemaniakoa, Ekialdeko Prusiako probintzia.
Unibertsitate hiria izanik, Albertina Unibertsitatearen egoitza (1544an sortua), Königsberg Alemaniako gune intelektual eta kultural garrantzitsua bihurtu zen, eta Simon Dach, Immanuel Kant, Käthe Kollwitz, E. T. A. Hoffmann, David Hilbert, Agnes Miegel, Hannah Arendt, Michael Wieck, Karl August Burowren egoitza izan zen, besteak beste.
XIII. eta XX. mendeen artean, biztanleek nagusiki alemanez hitz egiten zuten, baina kultura anitzeko hiriak ere eragin handia izan zuen lituaniar eta poloniar kulturetan.
Ikus, gainera
Kanpo estekak
Irudi gehiago
Alemaniar Inperioa
Prusiako Erresuma
Datuak: Q4120832
Multimedia: Königsberg / Q4120832
