Enrique Fuentes Quintana
| Enrique Fuentes Quintana | |||||||||
|---|---|---|---|---|---|---|---|---|---|
1977ko uztailaren 4a - 1978ko otsailaren 28a ← Alfonso Osorio - Fernando Abril Martorell (en)  →
| |||||||||
| Bizitza | |||||||||
| Jaiotza | Carrión de los Condes, 1924ko abenduaren 13a | ||||||||
| Herrialdea |  Espainia | ||||||||
| Lehen hizkuntza | gaztelania | ||||||||
| Heriotza | Madril, 2007ko ekainaren 6a (82 urte) | ||||||||
| Heriotza modua | : Alzheimerra | ||||||||
| Hezkuntza | |||||||||
| Heziketa | Madrilgo Unibertsitatea Our Lady of Remembrance College (en) | ||||||||
| Hezkuntza-maila | doktorea | ||||||||
| Hizkuntzak | gaztelania | ||||||||
| Jarduerak | |||||||||
| Jarduerak | ekonomialaria, unibertsitateko irakaslea eta politikaria | ||||||||
| Enplegatzailea(k) | Valladolideko Unibertsitatea Madrilgo Complutense Unibertsitatea UNED | ||||||||
| Jasotako sariak | ikusi
| ||||||||
| Kidetza | Zientzia Moral eta Politikoen Errege Akademia | ||||||||
| Sinesmenak eta ideologia | |||||||||
| Alderdi politikoa |  Zentro Demokratikoaren Batasuna | ||||||||
  | |||||||||
Enrique Fuentes Quintana (Carrión de los Condes, Palentzia, Espainia, 1924ko abenduaren 13a - Madril, Espainia, 2007ko ekainaren 6a) politikaria eta ekonomista izan zen. Lecciones de Hacienda Pública (1960) eta Los principios de la imposición española y problemas de su reforma (1975) obrak idatzi zituen, besteak beste.
Bizitza
Enrique Fuentes Quintana Carrión de los Condesen (Palentzia) jaio zen 1924ko abenduaren 13an. Aita Cristóbal Fuentes Valdés izan zuen, Sindicato Católico Agrarioko abokatua. Gaztelako klase ertaineko sendi batean jaioa, Carriongo Marista ikastetxean egin zituen oinarrizko ikasketak eta Valladolid eta Madrilen batxilergoa.
1942an Madrilgo Unibertsitatean hasi zituen Zuzenbide ikasketak eta bi urte geroago karrera sortu berria zen Ekonomia ikasten hasi zen, bi lizentziaturak aldi berean aurreratzen joan zelarik. Amaitzean, Zuzenbide fakultateko irakasle laguntzaile egin zuten[1].
1948an lortu zuen doktoretza Zuzenbide fakultatean, Salario y ocupación (la teoría keynesiana como análisis cíclico) tesia aurkeztu zuelarik. 1956an, berriz, Zientzia Politiko eta Ekonomikoetan lortu zuen gauza bera, Un ensayo de metodología económica tesia aurkeztuz.
Urte berean lortu zuen Valladolideko Unibertsitatean Ekonomia Politiko eta Ogasun Publikoko katedra eta, geroago, berriz, Ogasun Publikoa eta Zerga Zuzenbidea Madrilgo Complutense Unibertsitateko Ekonomia Fakultatean.
La teoría keynesiana y su posible aplicación a la economía española tesiarekin, Francoren agintaldian estatuaren zabalkunde ekonomikoaren alde agertu ziren, eta teknokrata izenez ezagutzen ziren politikari gazteen joeran sailkatu zuten. 'Desarrollismo'aren joerari jarraituz, errentaren gaineko zergari buruzko proiektu bat prestatu zuen (1958). 1960tik 1968ra, Espainiaren ordezkari izan zen Ekonomia Lankidetza eta Garapenerako Antolakundean; eta Ekonomiako ministroa, Trantsizio garaian.
UNEDen Ekonomia Aplikatuaren katedradun izan zen (1978-1990) eta irakasle emeritua unibertsitate horretan 1990etik aurrera.
Madrilen hil zen 2007ko ekainaren 6an.
Lanak
Hauek dira ezagunenak:
- El desarrollo económico en España (1973).
- Los principios de la imposición española y los problemas de su reforma (1975).
- La reforma fiscal y los problemas de la Hacienda Pública Española (1989).
- Las reformas tributarias en España.Teoría, historia y propuestas (1990).
- De peores hemos salido. Una aproximación a nuestra historia económica reciente (1993).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ (Gaztelaniaz)https://www.finanzasparamortales.es/enrique-fuentes-quintana/
| Autoritate kontrola |
|
|---|
Datuak: Q3054682
