Charles Floquet

Charles Floquet
Irudi gehiago
Frantziako Ministro Kontseiluaren presidentea 1888ko apirilaren 3a - 1889ko otsailaren 14a ← Pierre Tirard - Pierre Tirard → Prefect of Seine (en) 1882 - 1882 Frantziako Hirugarren Errepublikako senataria Frantziako Nazio Biltzarreko kidea
Bizitza
Jaiotza	Donibane Garazi, 1828ko urriaren 2a
Herrialdea	Nafarroa Beherea, Euskal Herria
Lehen hizkuntza	frantsesa
Heriotza	Paris, 1896ko urtarrilaren 18a (67 urte)
Hobiratze lekua	Père Lachaise hilerria Grave of Floquet (en)
Familia
Ama	Marie Léocadie Etcheverry
Hezkuntza
Heziketa	École d'administration (en) Paris Faculty of Law and Economics (en)
Hizkuntzak	frantsesa
Jarduerak
Jarduerak	politikaria eta goi-funtzionarioa
Lantokia(k)	Paris
Kidetza	Framazoneria
Sinesmenak eta ideologia
Alderdi politikoa	Republican Union (en)

Charles Thomas Floquet (Donibane Garazi, 1828ko urriaren 2a- Paris, 1896ko urtarrilaren 18a) euskal herritar politikaria izan zen, Frantziako Lehen Ministroa izandakoa^[1]. Jacques Laffitterekin batera kargu hori okupatu duen euskal herritar bakarra da.

Biografia

Parisen ikasi zuen Zuzenbidea, non bere zaletasun errepublikarra 1848ko Iraultzean azaldu zuen. Bere artikuluek ez ezik 1867an Alexander II.a Errusiakoari "Vive la Pologne, monsieur!" (euskaraz: "Gora Polonia, jauna!") oihukatzeak ospea eman zioten^[2].

1871an Sena departamenduaren diputatu hautatu eta "Ligue d’Union Républicaine des Droits de Paris" alderdia osatu zuen. Thiersen agindupean atxilotua "République Française" aldizkaria argitaratzeari ekin zion. Ezkerreko muturreko alderdiekin lotuta "Union Républicaine" alderdiaren presidente bihurtu zen.

1882 Sena departamenduaren prefektu izendatu zuten. 1885ean Henri Brisson ordezkatuz, Asanblada Nazionalaren presidente bihurtu zen. Errusiarekin 1867an izandako gatazka barkatuta, lehen ministrogai bihurtu zen. Tirarden kabinete 1888an desegin ondoren, Frantziako Lehen Ministroa izan zen urte hartako apirilaren 3tik 1889ko otsailaren 22ra. Panama eskandaluek bere karrera suntsitu bazuten ere 1894an senatuan sartzea lortu zuen.

Floqueten ministroak

• Charles Floquet - Presidente eta Herrizaintza
• René Goblet - Kanpo Harremanak
• Charles de Freycinet - Guda
• Paul Peytral -Finantzak
• Jean-Baptiste Ferrouillat - Justizia^[3]
• Jules François Émile Krantz- Marina eta Koloniak
• Édouard Locroy - Hezkuntza eta Arte Ederrak
• Jules Viette - Nekazaritza
• Pierre Deluns-Montaud - Herri Lanak
• Pierre Legrand - Merkataritza eta Industria

Erreferentziak

• Datuak: Q471311
• Multimedia: Charles Floquet / Q471311