Bayer 04 Leverkusen

Bayer 04 Leverkusen

Ezizena(k)	Werkself (aspirinak), Vizekusen (beti bigarren)
Sorrera	1904
Futbol zelaia	BayArena edukiera: 30.210 lagun inaugurazioa: 1932 (2009an berriztua)
Presidentea	Rudi Völler
Entrenatzailea	Xabi Alonso
Liga	Bundesliga
2022-23	6.a
Webgunea	Webgune ofiziala
Etxekoa 　 Kanpokoa

Bayer 04 Leverkusen (izen osoa Bayer 04 Leverkusen Fußball GmbH) Alemaniako futbol talde ezagunenetako bat da, UEFA Kopa bat irabazia duena. Leverkusen hiriko taldea da, bertako etxeko partiduak BayArena estadioan jokatzen dituelarik.

Historia

1903an Wilhelm Hauschildek lantegiko 170 langileren sinadurakzituen eskutitz bat idatzi zion Bayer konpainiari kirol talde bat babes zezan eta 1904ean Turn- und Spielverein Bayer 04 Leverkusen e. V. sortu zen, eta 1907an futbol atala sortu zuen. Ez da talde garrantzitsua izan azken hamarkadetara arte. 1980an Bundesligara igotzea lortu zuen eta ordutik ez da inoiz jeitsi. 1986-87 denboraldian UEFA Kopan parte hartzea lortu zuen eta hurrengo denboraldian txapeldun izan ziren. Alemaniako txapelketetan ez du zorte handirik izan, daukan titulu bakarra 1993ko Kopa da eta Ligan bost aldiz izan da bigarrena, hortik bere ezizenak Vizekusen (bigarren-kusen) edo Neverkusen (inoiz-kusen).

2002an UEFAko Txapeldunen Ligako finalera iritsi ziren baina 2-1 galdu zuten Real Madrilekin Glasgowen. 2010ko hamarkadan Bundesligako postu gorenetan ibili da eta Europako txapelketetako ohikoa bihurtu da.

2022an Xabi Alonso entrenatzaile tolosarra fitxatu zuen.

Gizonezkoen futbol taldeak 1993an Alemaniako Kopa irabazi zuen eta ez zuen Bundesliga inoiz irabazi, ―"Neverkusen" esaten zioten―, 2024. urtera arte, nahiz eta 5 aldiz izan zen bigarrena^[1]. Europan UEFA Kopa irabazia du eta 2002an UEFAko Txapeldunen Ligako finala jokatu zuen.

Uniformea

Kolore gorria eta beltza ditu Bayer 04 Leverkusen taldearen ekipamenduak.

2017-2018

2018-2019

2019-2020

2020-2021

2021-2022

2022-2023

2022/2023 Taldea

2022ko uztailaren 30ean eguneratua.

Zbk. Postua Jokalaria 1 ATE Lukas Hradecky 3 ATZ Piero Hincapié 4 ATZ Jonathan Tah 5 ATZ Mitchel Bakker 6 ATZ Odilon Kossounou 7 AUR Paulinho 8 ERD Robert Andrich 9 AUR Sardar Azmoun 10 ERD Kerem Demirbay 11 ERD Nadiem Amiri 12 ATZ Edmond Tapsoba 14 AUR Patrik Schick 17 AUR Joel Pohjanpalo 19 AUR Moussa Diaby 20 ERD Charles Aránguiz 21 AUR Amine Adli

Zbk. Postua Jokalaria 22 ATZ Daley Sinkgraven 23 AUR Adam Hlozek 24 ATZ Timothy Fosu-Mensah 25 ERD Exequiel Palacios 27 ERD Florian Wirtz 28 AUR Iker Bravo 29 ERD Zidan Sertdemir 30 ATZ Jeremie Frimpong 32 ERD Ayman Azhil 35 ERD Joshua Eze 36 ATE Niklas Lomb 38 AUR Karim Bellarabi 40 ATE Andrey Lunev - AUR Yannik Schlößer - AUR Callum Hudson-Odoi (Chelseatik utzita)

Palmaresa

Alemanian: 1

• Bundesliga (0): bost aldiz bigarren 1997, 1999, 2000, 2002 eta 2011
• Kopa (1): 1993
• Alemaniako Superkopa (0): Finalista 1993an
• 2. Bundesliga (1): 1979
• Udazkeneko txapelketa (1): 2009

Nazio artean: 1

UEFAko Txapeldunen Liga

• Txapelduna (0):
• Finalista (1): 2002

UEFA Kopa

• Txapelduna (1): 1988

Euskal taldeen aurkako partidak

Hauek dira Europako txapelketa ofizialetan Bayerrek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
2006-07	UEFA Kopa	Final laurdenak	Bayer Osasuna	0-3 1-0	Osasuna Bayer
2013-14	Txapeldunen Liga	Multzokako fasea	Bayer Real Sociedad	2-1 0-1	Real Sociedad Bayer

Erreferentziak

1. ↑ (Ingelesez) Stafford-Bloor, Rafa Honigstein and Seb. «How Bayer Leverkusen won the Bundesliga: Alonso magic, breaking up cliques and clever transfers» The Athletic (Noiz kontsultatua: 2024-04-15).

Kanpo estekak

• (Alemanez) (Ingelesez) Webgune ofiziala

• Datuak: Q104761
• Multimedia: Bayer Leverkusen / Q104761