Banksy

Banksy
Bizitza
Jaiotza	Yate ^(en) eta Bristol, 1974ko uztailaren 28a (49 urte)
Herrialdea	Erresuma Batua
Hezkuntza
Hizkuntzak	ingelesa
Jarduerak
Jarduerak	film-zuzendaria, margolaria, militante politikoa, artibista, idazlea, eskultorea, grafiti artista, activist shareholder ^(en) , muralist ^(en) eta kale-artista
Lantokia(k)	West End New York Washington Père Lachaise hilerria Londres Napoli eta Venezia
Lan nabarmenak	ikusi One Nation Under CCTV ^(en) Slave Labour ^(en) Love is in the Bin Exit Through the Gift Shop ^(en)
Jasotako sariak	ikusi Independent Spirit Awards
Mugimendua	Arte garaikidea
Izengoitia(k)	Banksy
Genero artistikoa	arte publikoa social-artistic project ^(en) Kaleko artea Grafitia Eskulturagintza

banksy.co.uk
baliorik ez baliorik ez

Banksy grafiti artista britainiar baten goitizena da. Uste da 1974an jaio zela, Bristol-tik hurbil, baina haren identitatea ezezaguna da.

Haren artelanak, maiz, satira grafikoak dira politika, kultura eta etikari buruzkoak batez ere. Haren irudiak harrigarriak eta umoretsuak dira askotan, eta leloekin batera ager daitezke. Mezua, gehienetan, gerra, kapitalismo edo establishmentaren kontrakoak dira. Irudi ohikoenak honakoak dira besteak beste: arratoiak, tximinoak, polizia, soldaduak, umeak eta edadetuak.

Kaleko arte hori, grafiti eta txantiloi teknikak nahasten dituena, Blek le Raten antzekoa da, baita Crass talde anarko-punk-ena. Txantiloiak, hasieratik erabili zituen, eta teknika hori erabiltzeagatik hasi zen nabarmentzen Bristolen eta Londresen.

Denboran zehar, Banksyk toki askotan paratu ditu grafitiak, Bristol eta Londresez gain. Hala nola, Estatu Batuetan edo Israelek Zisjordanian eraikitako harresian bertan. 2006an, Guantanamo espetxeko presoen antzera jantzi zuen panpin bat eta Kaliforniako Disneyland parkean paratu zuen. 2005ean Londresko British Museum-ean labar artearen aldaera bat utzi zuen, non giza irudi primitibo batek erosketa gurditxoa zeramala agertzen zen.