Amour eta toujours

Amour eta toujours
Estudioko grabazioa
Argitaratze data	2021
Ekoizpena	Elkar

Amour eta toujours, Ruper Ordorikaren hogeigarren diska da, 2021ean plazaratutakoa. Kubara garamatza lan berrian Ruper Ordorikak.^[1] Elkarren eskutik plazaratu duen diskoarekin, hogeitik gora lanek osatzen dute jada proposamen berriak bilatzen jarraitzen duen oñatiarraren diskografia. Oraingo honetan, diskoetxearen arabera, «kantu eta molde berriekin dator», Kubara jo eta «hango doinu eta giroetan inspiratutako» kantekin, alegia. Diskoa Ordorikak Kubarekin duen aspaldiko harremanaren isla ere bada, bai musikan, baita hitzetan ere. Izan ere, «Kubako musikaren klabera gerturatzea izan da bere nahia».^[2] Diskoa Kuban grabatzea zen asmoa, baina ezinezkoa izan zen, hala ere, Kubako musikariek eta aspaldiko lagunek parte hartu zuten grabazioan.^[3]

Ezaugarriak

Azala: J.E. Urrutia Capeau
Diseinua: Juanma Aramendi
Nahasketak eta masterra: Jonan Ordorika. Mamia. Azkarate.

Abestiak

"Santa Anara". Hitzak: Ruper Ordorika.
"Sidekarroan". Hitzak: Ruper Ordorika.
"Bugainbileen usaina". Hitzak: Joseba Sarrionandia eta Ruper Ordorika. Musika: Ruper
"Marieleko bidetik". Hitzak: Eva Linazasoro eta Ruper Ordorika. Musika: Ruper
"Marianao, euria eta gero". Hitzak: Ruper Ordorika.
"Vladimirena (Koni)". Vladimir Visotskyren "Koni Priveredlivye" kantuaren gainean.
"Haizea garizumakoa". Ruper Ordorika.
"Jendea Ilaran": Hitzak: Joseba Sarrionandia eta Ruper Ordorika. Musika: Ruper
"Baracoako usategia". Hitzak: Ruper Ordorika.
"Aski dena buruz gain ipintzeko". Hitzak: Ruper Ordorika.
"Zorioneko moilan". Hitzak: Ruper Ordorika.

Taldea

Perkusioak: Yaroldi Abreu
Tronpeta: Eddy de Armas
Teklatuak, giroak: Nando de la Casa
Kontrabaxua, tres kubatarra, gitarra: Lino Lores
Ahotsak: Ruper Ordorika
Gitarrak: Dani Pérez
Bateria, Vibrafonoa: Kenny Wollesen
Koroak: Eduardo Lazaga

Ikus, gainera

Ruper Ordorika

Erreferentziak

↑ https://www.naiz.eus/eu/gaiak/noticia/20211126/amour-eta-toujours-ruper-ordorikaren-kubako-bizipenak-son-erritmoan/
↑ https://www.diariovasco.com/culturas/musica/hilaren-22an-donostian-20220115111950-nt.html
↑ https://www.eitb.eus/eu/irratia/euskadi-irratia/programak/faktoria/osoa/8500834/amour-eta-toujours-diskoa-aurkeztera-etorri-da-ruper-ordorika-faktoriara-elkar-argitaletxearen-eskutik-/