Achille Zo

Irudi gehiago

école des beaux-arts de Bordeaux ^(en) zuzendari

1889 - 1899 - François-Maurice Roganeau ^(en)

→

Bizitza

Jaiotza

Santizpirita, 1826ko uztailaren 30a

Herrialdea

Lapurdi, Euskal Herria

Heriotza

Bordele, 1901eko martxoaren 2a (74 urte)

Familia

Seme-alabak

ikusi

Henri-Achille Zo

Hezkuntza

Hizkuntzak

frantsesa

Ikaslea(k)

ikusi

Henri-Achille Zo
Denis Etxeberri

Jarduerak

margolaria

Jasotako sariak

ikusi

Ohorezko Legioko zalduna

Genero artistikoa

margolaritza historikoa

Jean-Baptiste Achille Zo, ezagunagoa Achille Zo izen-deiturez (Espiritu Saindua, Baiona, 1826ko uztailaren 30a - Bordele, 1901eko martxoaren 2a) margolaria izan zen. Haren seme Henri-Achille Zo (1873-1933) ere margolari aipagarria izan zen.

Bizitza

Oso gaztea zelarik Parisera bizitzera joan zen eta bertan egon 1871 arte; han Thomas Couture frantziarraren ikaslea izan zen. Baionako (1871ean) eta geroago Bordeleko (1889an) Arte Ederretako Eskoletako zuzendaria izan zen.^[1]

Ekoizpen handiaren egile, gehienbat gai «exotiko»ez margotzen gailendu zen: zezenketak, «espainiar giroko irudiak» edota Ipar Afrikako emakumeak, kasurako.

Zoren artelanak, besteak beste, Parisko Orsay museoan eta bereziki Baionako Léon Bonnat museoan daude ikusgai. Achille Zoren jaioleku Baionak margolaria omendu du René Cassin parkean dagoen estatuaren bidez.^[2]

Obra nagusiak

Sinestunaren ametsa: olio-pintura ehunaren gainean. 1870eko Saloian aurkeztu zen eta nahiko ezaguna bihurtu zen Goupil delako konpainiak koadroari ateratako argazkia posta-txartel bihurtu eta hedapen handia izan zuenean.
Ibilaldia Getariaren inguruan
Sevillako katedrala: olio-pintura ehunaren gainean. Léon Bonnat museoan ikusgai.
Urreliliak eta beste lore batzuk ontzi batean: olio-pintura ehunaren gainean.
San Rafael ostatua, Kordoban: 1861eko olio-pintura; hau ere Baionako Bonnat museoan ikusgai.
Ijitoak: arratsaldeko atsedenaldia: 1861eko olio-pintura ehunaren gainean. Arroxelako Arte Ederretako museoan ikusgai.

Achille Zoren lanak
Kordobako San Rafael ostatua (1861)
Le Rêve d'un croyant (1870 inguru)^[3]
Tomas Montoto ipotxa

Erreferentziak

↑ Jeanpierre, Henri. (1967). «Achille Zo, sa vie, son œuvre» Bulletin de la société des sciences, lettres et arts de Bayonne (116): 409-421..
↑ Rene Cassin baratzeaz artikulua Berrian, Achille Zo aipagai^{[Betiko hautsitako esteka]}
↑ Centre de la Vieille Charité de Marseille. (pdf) L’Orientalisme en Europe : de Delacroix à Matisse. , 16 or..

Wikimedia Commonsen badira fitxategi gehiago, gai hau dutenak: Achille Zo

Autoritate kontrola	Wikimedia proiektuak Datuak: Q1685328 Multimedia: Achille Zo (Jean Baptiste) / Q1685328 Identifikadoreak WorldCat VIAF: 96093948 ISNI: 0000000068230997 BNF: 14944119r (data) GND: 1288759495 ULAN: 500061063 Léonore: [LH//2769/54 LH//2769/54] RKD: 133000 Hiztegiak eta entziklopediak Auñamendi: 147488 Lur: 06247/eu_z_1700/z1700