2013ko Brasilgo protestak

2013ko Brasilgo protestak, Revolta da Salada, Revolta do Vinagre, Outono Brasileiro eta Primavera Brasileira ere deituak, manifestazio jendetsuak izan ziren, 2013ko apirila eta uztaila bitartean Brasilgo hainbat hiritan, bereziki São Paulon, egindakoak. Hasieran garraio publikoko prezio garestien aurkakoak baziren ere, ondoren ustelkeria eta poliziaren gehiegikeria ere izan zituzten erreibindikazio-gaitzat^[1]. 1990eko hamarkadaz geroztik Brasilen izandako protestarik zabalenak izan ziren.