Roh Tae-woo

Roh Tae-woo
Irudi gehiago
6. Hego Koreako presidente 1988ko otsailaren 25a - 1993ko otsailaren 24a ← Chun Doo-hwan - Kim Young-sam → Hautetsia: 1987 South Korean presidential election (en) Minister of the Interior and Safety of South Korea (en) 1982ko apirilaren 28a - 1983ko uztailaren 6a Minister of Culture, Sports and Tourism (en) 1982ko martxoaren 20a - 1982ko apirilaren 28a ← baliorik ez
Bizitza
Jaiotza	Daegu, 1932ko abenduaren 4a
Herrialdea	Hego Korea
Heriotza	Seoul National University Hospital (en) , 2021eko urriaren 26a (88 urte)
Heriotza modua	berezko heriotza: asma
Familia
Ezkontidea(k)	Kim Ok-sook (en)
Seme-alabak	ikusi Roh Soh-yeong (en) Ro Jae-Hun (en)
Hezkuntza
Heziketa	Korea Military Academy (en) Kyeongbuk High School (en)
Hizkuntzak	koreera
Jarduerak
Jarduerak	politikaria eta militarra
Jasotako sariak	ikusi Knight Grand Cross of the Order of St Michael and St George Grand Order of Mugunghwa Order of the Crown of the Realm
Zerbitzu militarra
Gradua	jeneral
Parte hartutako gatazkak	Vietnamgo Gerra Koreako Gerra
Sinesmenak eta ideologia
Erlijioa	budismoa
Alderdi politikoa	Democratic Justice Party (en)

Hau korear izena da, abizena Roh du.

Roh Tae-woo (koreeraz: 노태우; no tʰɛ.u ahoskatua; Taikyu, Keisho-hokudo, Japoniaren menpeko Korea, gaur egun Hego Korea, 1932ko abenduaren 4a - Seul, 2021eko urriaren 26a) hegokorear politikaria izan zen. Herrialdeko presidentea izan zen 1988-1993 bitartean.

Bizitza

Familia apal batean sortu zen. Koreako Akademia Militarrean ikasketak egin ondoren, Vietnamgo Gerran jardun zuen 1960ko hamarkadan. Chun Doo-hwan jeneralaren adiskidea zen, eta haren alde agertu zen lehendakaria eraisteko matxinadan; horrela, Chun Doo-hwanek lehendakaritza eskuratu zuelarik, Rohk armada utzi eta gobernuko zenbait kargu eskuratu zituen. Agintean zen Justizia Demokratikoaren Alderdia (DJP) alderdiko lehendakari izendatu zuten 1985ean.

Chunen diktadura zapaltzailearen aurkako matxinada lehertu zelarik, sistema demokratikoa ezartzeko lehen urratsak egin behar izan zituzten. 1987an Chunek bere kargua Rohren esku utzi zuenean, herritarrek diktaduraren jarraipena etorriko zela uste izan bazuten ere, lehendakaritzarako hauteskundeak prestatzeko aukera emango zuten aldaketak egin ziren konstituzioan, eta Rohk oposizioaren eskaera gehienak onartu zituen.

1988an, Hego Koreako lehendakaritzarako lehenengo hauteskunde demokratikoetan, Roh Tae-woo bihurtu zen Korea herrialde zatituaren buruzagi. Beste zenbait ekimenez gainera, haren agintaldian, 1991n, Hego eta Ipar Korearen adiskidantzarako hitzarmena sinatu zuen. Bere alderdiaren eta beste zenbaiten bategitetik sorturiko Alderdi Demokrata Liberaleko buruzagitza bertan behera utzi zuen 1992an, eta 1993an bertan behera utzi behar izan zuen lehendakaritza, konstituzioak agintzen zuenez.

1996an, Roh epaitu eta espetxeratu egin zuten, eta Chun Doo-hwani heriotza zigorrra ezarri zioten, ustelkeriaz eta hainbat hilketaz eta estatu-kolpea eman izanaz salatu zituztelarik; baina 1997an, Kim Young-sam lehendakariak eta haren ondorengo izendaturiko Kim Dae-jungek aske utzi zituzten, nazio-adiskidantzarako urrats gisa.

Erreferentziak

Wikimedia Commonsen badira fitxategi gehiago, gai hau dutenak: Roh Tae-woo

• i
• e
• a

Hego Koreako presidenteak

Rhee • Heo (bitartekoa) • Yun • Park • Choi • Chun • Roh T.W. • Kim Y.S. • Kim D.J. • Roh M.H. • Goh (bitartekoa) • Roh M.H. • Lee • Park G.H • Moon J.I • Yoon S.Y