Requena-Utiel

Requena-Utiel
Espainia
Administrazioa
Estatu burujabe	Espainia
Autonomia	Valentziako Erkidegoa
Probintzia	Valentziako probintzia
Hiriburua	Requena
Zatiketa	ikusi Camporrobles, Caudete de las Fuentes, Fuenterrobles, Requena, Sinarcas, Utiel, Venta del Moro, Villargordo del Cabriel eta Chera
Geografia
Koordenatuak	39°29′26″N 1°12′48″W / 39.4906°N 1.2133°W / 39.4906; -1.2133
Azalera	1.725,9 km²
Mugakideak	Camp de Túria, Hoya de Buñol, Serranos eta Valle de Cofrentes
Punturik altuena	Pico del Remedio
Demografia
Biztanleria	37.536 (2022ko urtarrilaren 1a) −154 (2021)
Dentsitatea	21,75 bizt/km²
Hizkuntza ofiziala	gaztelania

Requena-Utiel edo La Plana d'Utiel-Requena (espainieraz eta valentzieraz gehien erabiltzen diren izenak) Valentziako Erkidegoko eskualdea da; eskualdea osatzen duten herri gehienak historikoki gaztelarrak izan dira. Iparraldean eta mendebaldean Cuencako eta Albaceteko probintziak ditu (Gaztela-Mantxa), ipar-ekialdean Serranos, ekialdean Hoya de Buñol eta hegoaldean Valle de Cofrentes eskualdeak.

Eskualdeak 9 udalerri ditu, 1.725,90 km²ko azalera du eta 2007an 39.386 biztanle zituen. Hiriburu tradizionala, eskualdearen erdialdean kokatua Utiel da baina azken hamarkadetan Requenak hartu dio aurrea biztanlerian eta hiriburutzat jotzen da. Horren ondorioz bikoiztasun honetan oinarritutako hainbat izen ematen zaio eskualdeari: espainieraz Requena-Utiel eta Utiel-Requena (geografikoki Plana de Utiel, Meseta de Requena...), valentzieraz Plana d'Utiel, Plana d'Utiel-Requena eta Plana de Requena-Utiel.

Udalerriak

Udalerria	Biztanleria	Azalera	Dentsitatea
Camporrobles	1.299	89,50	15,69
Caudete de las Fuentes	919	34,60	22,34
Chera	619	71,60	9,27
Fuenterrobles	792	49,50	14,76
Requena	21.278	814,20	25,10
Sinarcas	1.297	102,50	11,71
Utiel	12.449	236,90	52,55
Venta del Moro	1.526	272,60	5,33
Villargordo del Cabriel	692	54,50	12,18

Hizkuntza eta historia

Valentziako Erkidegoan eskualde honek aparteko berezitasunak ditu. Hizkuntza aldetik tokiko hizkuntza valentziera ez den gainontzeko eskualde gehienekiko desberdintasuna aragoieraren eragin falta da, historiaren isla den ezaugarria: gaur egungo Requena-Utielen biltzen diren herri gehienak Gaztelako Erresumakoak izan ziren eta administrazioz ere Gaztelan (Gaztela Berrian, Cuencako probintzian hain zuzen) egon ziren 1851 arte.

Bi salbuespen daude: Sinarcas eta Chera, valentzierazko hiztunak izan gabe, historikoki Valentziako Erresuman egon ziren, ez Gaztelan eta Serranos eskualdearekin harreman estuak izan dituzte. Beste zazpi udalerriak Cuencako probintziatik Valentziakora pasatzea 1833ko Espainiaren banaketa administratiboari eginiko aldaketa handiena izan da.

Ikus, gainera

• Valentziako Erkidegoko eskualdeak
• Gaztela
• Utiel
• Requena

Kanpo estekak

• (Katalanez) Alto Palancia País Valencià, poble a poble, comarca a comarca webgunean.

• Datuak: Q2247618
• Multimedia: Requena-Utiel / Q2247618