Rüstempaşa meskita

Rüstempaşa meskita
Irudi gehiago
Kokapena
Estatu burujabe	Turkia
Turkiako probintzia	Istanbul probintzia
Metropolitan municipality in Turkey	Istanbul
Turkiako barrutia	Fatih
Auzo	Tahtakale
Koordenatuak	41°01′03″N 28°58′07″E / 41.017591°N 28.968748°E / 41.017591; 28.968748
Historia eta erabilera
Irekiera	1561 (egutegi gregorianoa)
Izenaren jatorria	Rüstem Pasha (en)
Erlijioa	islama
Arkitektura
Arkitektoa	Mimar Sinan
Materiala(k)	Granitoa

Rüstempaşa meskita (turkieraz: Rüstempaşa Camii) meskita otomandarra da, Istanbulgo Hasırcılar Çarşısı azokan kokatua, Mimar Sinan arkitektoaren lana.

Historia

Rüstempaşa meskita Otomandar Inperioko arkitekto-buru zen Sinanek diseinatu zuen Rüstem Pasha Bisir Handiarentzat (Suleimanen alaba zen Mihrimah-ren senarra). 1561 eta 1563 artean eraiki zen^[1].

Ezaugarriak

Kanpoaldea

Meskita terraza baten gainean eraiki zen, denda gangadunen gainean, alokairuekin eraikin multzoa ekonomikoki laguntzeko. Erpinetan dauden eskailera estu eta bihurrietatik patio zabal batera ematen dute. Meskitak bost baoko arkupe bikoitza du, bata kupulekin eta bestea teilatu beheratu eta sakonekin^[2].

Barnealdea

Eraikinaren oinplanoa laukizuzen batean inskribatutako oktogono bat da. Kupula nagusia lau erdi-kupulatan oinarritzen da, ez eraikinaren ardatzetan baina diagonaletan. Kupularen arkuak lau zutabe oktogonaletatik irteten dira, bi hegoaldean eta beste bi iparraldean, eta ekialdeko eta mendebaldeko hormetako pilareetatik. Ipar eta hegoaldean galeriak ageri dira, pilareetan eta hauen arteko marmolezko koloma txikietan bermatuak^[2].

Iznikeko zeramika bikain eta ugariek, marrazki geometriko eta loredun askotarikoak (krabelinak, bitxiloreak, tulipak, lirio eta lilak), arkupea apaintzeaz gain, barneko horma, mihrab, minbar eta kolomak estaltzen dituzte. Zeramika hauetan gorri bizi kolorea ageri da, Iznik garai goiztiarreko ezaugarri (1555-1620) eta Istanbuleko beste meskitak ez dute zeramika mota hau hainbeste erabiltzen^[3].

Irudiak

• 
  Arkupea
• 
  Zeramika apainduak
• 
  Zeramika apainduak
• 
  Zeramika apainduak
• 
  Barnea
• 
  Barnea
• 
  Mihraba

Erreferentziak

Kanpo estekak

• Rüstempaşa meskitako argazkiak
• Rüstempaşa meskita

• Datuak: Q1137511
• Multimedia: Rüstem Pasha Mosque / Q1137511