Patricia Ruiz de Irizar

Patricia Ruiz de Irizar

Bizitza
Jaiotza	Iruñea, 1970eko urtarrilaren 27a (54 urte)
Herrialdea	Nafarroa Garaia, Euskal Herria
Hezkuntza
Heziketa	Valentziako Unibertsitatea UNED
Jarduerak
Jarduerak	zuzendari exekutiboa eta certified first responder ^(en)

Patricia Ruiz de Irizar (Iruñea, Nafarroa Garaia, 1970eko urtarrilaren 27a) Nafarroako farmazialaria eta kooperantea da.

Biografia

Patricia Farmazian lizentziaduna da, Osasun Orientazio espezialitatean. Parasito-gaixotasun tropikaletan masterra egin zuen (1993) Valentziako Unibertsitatean, eta Osasun Ministerioko Osasun Eskola Nazionaleko Osasun Publikoko diplomaduna da garapen-bidean dauden herrialdeetarako (Nazioarteko Osasun arloa) (1997). Urrutiko Hezkuntzarako Unibertsitate Nazionalaren (UHUN) Irabazi asmorik gabeko Erakundeen Kudeaketako masterra du.^[1]

Ibilbide profesionala

1994an heldu zion bere ibilbide profesionalari, Mugarik Gabeko Botikarien Elkarterako Kongoko Errepublika Demokratikoko sendagaien kudeaketari eta uraren klorazioaren kontrolari buruzko proiektu baten koordinatzaile gisa. Ondoren, hainbat GKErekin (Medicus Mundi, Munduko Medikuak eta Nazioarteko Lankidetzarako Espainiako Agentzia) garapenerako lankidetza-proiektuetan administratzaile eta koordinatzaile lanetan aritu zen Kongon, Mauritanian eta Albanian (1995-1998). Halaber, Valentziako Erkidegoko proiektuen zuzendaria izan zen Medicus Mundirentzat (1999-2000), Navarra-Huancavelica GKEko partzuergoaren koordinatzailea (2002-2003) eta proiektuen arduraduna Pro Perú GKEan (2003). Era berean, administrazioan eta logistikan lan egin zuen Sierra Leonako Ébola larrialdietan, 2015erako, Munduko Medikuak GKErentzat.^[1]

2004. urtetik 2019ko abuztura arte, Munduko Medikuak GKEaren koordinatzailea izan zen Nafarroan, eta, besteak beste, honako hauek izan zituen ardatz: prostituzioan ari diren emakumeei eta salerosketaren biktimei laguntzea, emakumeen mutilazioaren prebentzioa, emakume afrikarraren jabekuntza eta Tuterako emakume afrikarren enplegagarritasuna.^[2]^[1]^[3]

Nabarmentzekoak dira, besteak beste, eragin politikoa eta pertsona ahulenen eskubideak erreklamatzeko ahalegina, batez ere, migratzaileen osasun publikorako sarbidean, emakumeen mutilazio genitala Nafarroako legedian genero-indarkeria gisa onartzeko, prostituzioa genero-indarkeria gisa onartzeko Nafarroako legerian, Nafarroan sexu-esplotazioko salerosketaren biktimak onartzeko eta garapenerako lankidetzaren alde egiteko.^[4]

2019ko irailaz geroztik, Nafarroako Gobernuko Migrazio Politiken zuzendari nagusia da, karguan lehen emakumea izanik.^[5]^[6]

Erreferentziak

↑ ^a ^b ^c Gobierno de Navarra. Ruiz de Irizar Patricia. .
↑ «El Gobierno de Navarra colabora con Médicos del Mundo para avanzar en la erradicación de la Mutilación Genital Femenina» www.navarra.es.
↑ «Sesión Informativa Plan Estratégico - Médicos del Mundo NavarraMédicos del Mundo Navarra» www.medicosdelmundo.es.
↑ «Plataforma Navarra de Salud pide que “se deje de facturar” a inmigrantes irregulares» Redacción Médica.
↑ «Anuncio - BON» bon.navarra.es.
↑ SER, Cadena. (2020-03-13). «Patricia Ruiz de Irizar: "Somos una sociedad plural, diversa y tolerante"» Cadena SER.