Onddo lirdingatsu

Onddo lirdingatsua organismo eukarioto mota batzuei ematen zaien izen arrunta da. Zelulabakar gisa bizitzeko gai diren arren, ugal-egitura zelulaniztunak eratzeko elkar daitezke. Lehen onddotzat hartzen ziren, baina gaur egun ez dira erreinu horren barnean sailkatzen,^[1] baizik eta Protista erreinuaren baitan. Mundu osoan 900 espezie inguru ezagutzen dira. Izen hori ematen zaie, bizi zikloaren aldi batzuetan itxura lirdingatsua izan dezaketelako.

Sailkapena

Onddo lirdingatsuek Amoebozoaren barneko Mycetozoa taldea osatzen dute. Mycetozoaren barnean hiru azpitalde daude:^[2]^[3]

Myxogastria klasea edo mixomizetoak.
Dictyostelia klasea.
Protosteliida klasea.

Erreferentziak

↑ Introduction to the "Slime Molds". University of California Museum of Paleontology, ucmp.berkeley.edu (Noiz kontsultatua: 2019-11-13).
↑ Fiore-Donno, A. M., Nikolaev, S. I., Nelson, M., Pawlowski, J., Cavalier-Smith, T., eta Baldauf, S. L.. Deep Phylogeny and Evolution of Slime Moulds (Mycetozoa). Protist, 161(1), 55-70, researchgate.net (Noiz kontsultatua: 2019-11-16).
↑ Baldauf S.L., Doolittle W.F.. Origin and evolution of the slime molds (Mycetozoa). Proc. Natl. Acad. Sci. U.S.A. 94 (22): 12007-120012, pnas.org (Noiz kontsultatua: 2019-11-16).