Neurona-sare artifizial
Neurona-sare artifiziala (ingelesez Artificial neural network, ANN) neurona artifizialen multzo elkarlotua da, modelo metamatikoak erabiltzen dituena informazioa prozesatzeko. Nerbio-sistemak ikasten duen moduan oinarritzen da. Adimen artifizialaren arloan erabiltzen da gehien bat.[1]
Sarrera
Gizaki adituen arrazoitzeko egiturak berregiten saiatzen da, hau da, burmuin eta neuronen egitura berbera ezartzea da bere helburua.
Neurona bakoitza zirkulu batez adierazten da, eta neuronen arteko loturak bektore batez, bakoitzak bere pisua daukana eta bi neurona horien arteko indarra adierazten duena. Neuronak mailaka banatzen dira, altuena emaitzen loturari dagokio, eta baxuena datuen loturari. Aldameneko mailetan beheko neurona bakoitza, goiko neurona guztiekin lotzen da.
Sareek, ondorioak ateratzeko, prozesu bi izaten dituzte:
- Entrenamendua: Sarearen parametroen kalkuluan datza, horretarako ezagutu behar diren patroiak erabiliz. Entrenamendua eta gero, sareak lotura batzuk indartuta izango ditu eta beste batzuk, berriz, ahulduta. Adibidez, karaktere-ezagutze prozesuan, sarea karaktere bakoitza ezagutzeko entrenatu behar da.
- Erantzunen sormena: Emaitzak lortzea, entrenamenduaren ondoren.
Erreferentziak
- ↑ Arantza, Florez, Julian Tapia Otaegi. (1994-01-01). «Sare neuronal artifiziala» Zientzia.eus (Noiz kontsultatua: 2023-12-28).
Ikus, gainera
- Adimen artifizial
Kanpo-estekak
| Autoritate kontrola |
|---|
Datuak: Q192776
Multimedia: Artificial neural networks / Q192776
