Mahāyāna
Mahāyāna (sanskritoz: महायान mahāyāna, euskaraz: "Ibilgailu Handia") budismoak gaur egun dituen hiru adar nagusietako bat da, Txinan, Japonian, Korean eta Tibeten nagusi izatera iritsi dena.
Mahayana K. o. I. mendean sortu zen Budaren irakaspenen interpretazio berritzaile eta aske gisa. Mahayanaren jarraitzaileentzat Buda ez da egiaren irakasle soila, Betiereko Jaun Gorenaren azalpena baizik, eta beren helburu nagusia ez da, budismo zaharrean bezala, nork bere santutasun osoa erdiestea, bodhisattva bilakatzea baizik, hau da, nirvana-ri uko egin eta sufritzen dutenei maitasuna eta laguntza eskaintzen dien pertsona bilakatzea. Bestalde, zeru-infernuak badirela ere sinesten dute.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Autoritate kontrola |
|
|---|
Datuak: Q48362
Multimedia: Mahayana / Q48362
