Lutxanako geltokia

Lutxana
Euskotren eta Metroaren trenak Lutxanako geltokian.
Kokapen mapa
Lineak
« Erandio ◄    ► San Ignazio »⁠ Geltoki-burua ◄    ► Zangroiz »
Kokapena
Helbidea	San Jose auzoa, 16; 48950
Udalerria	Erandio,  Bizkaia
Geltokiaren datuak
Kodea	LUT
Gunea	2. gunea
Irekiera	1995ko azaroaren 11 (Metro) 1893ko maiatzaren 1.a (Euskotren) 2015eko ekainaren 1.a (Euskotren)
Itxiera	1997ko urtarrilaren 1.a (Euskotren)
Bidaiariak	Metro: 524.759 (2016)[1]
Irisgarria
Zerbitzuak
Aldageltokia
Nasak	Metro: 2 Euskotren: 1
Trenbideak	Metro: 2 Euskotren: 2
Jabea	Euskal Trenbide Sarea Bizkaiko Garraio Partzuergoa
Eragilea	Metro Bilbao Eusko Trenbideak
Garraio zerbitzuak
EuskoTren	Lutxana ↔ Sondika
Metroa	Etxebarri ↔ Plentzia
Bizkaibus	A2314  Bilbo - Erandiogoikoa - EHU A3411  Bilbo - Getxo - Azkorri

Lutxana Bilboko metroaren 1. lineari eta Euskotrenen Lutxana-Sondika anezka lineari dagokien lurgaineko tren geltokia da, Erandio udalerriko izen bereko auzoan kokatuta dagoena. Euskotrenen geltokia 1893ko maiatzaren 1.an ireki zen lehen aldiz, eta 1997ko urtarrilaren 1.an zerbitzu emateari utzi zion. Geroago, 2015eko ekainaren 1.an, zerbitzuan jarri zen berriro. Bestalde, Metro geltokia 1995ko azaroaren 11n ireki zen. Bizkaiko Garraio Partzuergoaren 2. tarifa-gunean dago.

Geltokiak bi nasa ditu, bata izkinekoa, metroari zerbitzu ematen diona; eta bestea zentrala, metroak zein Euskotrenek erabiltzen dutena; eta lau trenbide, bina metroak eta Euskotrenek erabiliak. Garraioen arteko aldaketei dagokionez, Euskotren eta Etxebarri helmuga duten metroen arteko garraio aldaketak nasa zentralaren bitartez egiten dira. Aldiz, Euskotren eta Plentziako norabidea duten metroen arteko aldaketak, eta baita metro sare barruko aldaketak egiteko ere, geltokitik kanpo irten behar da. Geltokiaren kanpoaldean doako aparkalekua dago.

Bilboko Renfeko Aldirien sarean izen bereko geltokia dago. Azken hau, Barakaldoko Lutxana auzoan dago, Bilboko itsasadarraren kontrako aldean.

Kokapena

Trenbide kokapenari erreparatuz, geltokia, itsas mailatik 7,43 metrora, hurrengo trenbideen parte da:

• Zabalera metrikoa duen Lutxana-Sondika trenbidea, 0,000. puntu kilometrikoan kokatuta.^[2]

• Zabalera metrikoa duen Bilbo-Plentzia trenbidea, 7. puntu kilometrikoan kokatuta.^[3]

Sarbideak

Geltokiak eskailera, arrapala eta igogailu bidezko sarbideak ditu.

•        San José kalea, 16
•       San José kalea, 17
•    San José kalea, 25

Historia

1893ko maiatzaren 1.an Lutxana-Mungia trenbidearen lehenengo tartea inauguratu zen, Lutxana eta Artebakarra artean.^[4]

1995ko azaroaren 11n Bilboko metroaren 1. linea inauguratu zen, eta geltokia Metroa eta Euskotrenen arteko aldageltoki bilakatu zen.

1997ko urtarrilaren 1.an, bidaiarien eskari baxua aitzaki, Euskotrenek Lutxana-Sondika trenbidean bidaiari zerbitzua eskaintzeari utzi zion, eta geroztik 2015eko ekainera arte trenak geltokiaren ondoan dauden kotxetegi eta tailerretara besterik ez ziren heltzen.

2015eko ekainaren 1.an, Bilboko metroaren 3. linearen eraikitze-lanen ondorioz, Euskotrenek berriro ere martxan jarri zuen Lutxana eta Sondikako geltokien arteko tartea, Txorierriko linearen barruan. Metro linea berriaren lanek eraginda Zazpikaleetako geltokian Euskotrenen zerbitzua etenarazi zen, eta lanak jarraitu bitartean tren bezeroei zerbitzu emateko Lutxana-Sondika trenbidea berriro martxan jarri zen.^[5]

2017ko apirilaren 8an Metroaren 3. linea ireki ondoren, Lutxana eta Sondika arteko trenbidea irekita mantentzea erabaki da, anezka zerbitzua eskainiz.

Urte bereko abenduaren 4an txartel-salmenta makina automatiko berriak ezarri ziren geltokian, mugikortasun urriko pertsonentzako irisgarritasun materian estandarrak bete, entzuteko desgaitasuna duten pertsonentzako T moduko bukle magnetikoa, Braille serigrafiak interakzio elementu guztietan (botoiak, txarteldegiak, eta abar), eta itsumen eta ikusteko desgaitasun handia duten pertsonei egokitutako salmenta softwarea dutenak.^[6]

Lotunea

Geltokitik 100 metrora bi autobus geraleku daude. Hurrengo lineak geralekuetatik pasatzen dira:

0138 Lutxana Irteera:  San José 16/17
i e a  A2314  BILBO → Erandiogoikoa → EHU
BILBO	Abando Geltokia      • San José Plaza Elcano 5 • Deustuko Unibertsitatea Lehendakari Aguirre 6 • San Pedro Plaza • Bidarte Lehendakari Aguirre 42  • Sarrikoko Biribilgunea • Sarriko Lehendakari Aguirre 88  • San Ignacio Lehendakari Aguirre 140 • San Ignacio Lehendakari Aguirre 154 • Plaza Levante Lehendakari Aguirre 172  • Lutxana Ribera de Elorrieta
ERANDIO	Lutxana  • Ibañez Betolaza • Plaiabarri • Saratseta • Lukileze • Sakoni • Erandiondo • Asua La Avanzada 12 • Erandiogoikoa • La Avanzada Ertzaintza
LEIOA	EHU Laboa Plaza
Zerbitzu hauek jaiegunetan ez dabiltza.

1. ↑ Bizkaiko Garraio Partzuergoa. «2016ko Bizkaiko Garraio Publikoari buruzko txostena» (Noiz kontsultatua: 2017-10-28).
2. ↑ (Gaztelaniaz) Spanish Railway  » Blog Archive  » Ferrocarril de Luchana a Munguía (Suburbanos de Bilbao). (Noiz kontsultatua: 2017-10-29).
3. ↑ (Gaztelaniaz) Spanish Railway  » Blog Archive  » Ferrocarril de Bilbao a Las Arenas y Plencia (Suburbanos de Bilbao). (Noiz kontsultatua: 2017-10-29).
4. ↑ (Gaztelaniaz) Spanish Railway  » Blog Archive  » Ferrocarril de Luchana a Munguía (Suburbanos de Bilbao). (Noiz kontsultatua: 2017-10-27).
5. ↑ Euskotren. «ekainaren 1etik aurrera garraio aldaketa Txorierriko linean 3. lineako obrak direla eta» (Noiz kontsultatua: 2015-03-31).^{[Betiko hautsitako esteka]}
6. ↑ Irekia. «Irekia - Euskotrenek salmenta automatikoko sistema ikusteko desgaitasuna duten pertsonentzako egokitu du» www.irekia.euskadi.eus (Noiz kontsultatua: 2018-09-04).