Johan Jongkind

Johan Jongkind
Irudi gehiago
Bizitza
Jaiotza	Lattrop (en) , 1819ko ekainaren 3a
Herrialdea	Herbehereetako Erresuma
Lehen hizkuntza	nederlandera
Heriotza	La Côte-Saint-André, 1891ko otsailaren 9a (71 urte)
Familia
Bikotekidea(k)	ikusi Josephine Fesser Borrhée (en)
Hezkuntza
Heziketa	Haagsche Teekenacademie (en)
Hizkuntzak	nederlandera
Irakaslea(k)	Andreas Schelfhout Eugène Isabey
Jarduerak
Jarduerak	margolaria, marrazkilaria eta grabatzailea
Lantokia(k)	Apeldoorn (en)
Lan nabarmenak	ikusi Overschie bij maneschijn (en) Rotterdam in the Moonlight (en) Winter landscape with Skaters (en)
Jasotako sariak	ikusi Royal Prize for Painting
Izengoitia(k)	Jongkind‏, Johan Barthold eta Jongkind, Jean Berthold
Genero artistikoa	paisaia margolaritza

Johann Jongkind (Lattrop, Overijssel, 1819ko ekainaren 3a - Saint-Égrève, 1891ko otsailaren 9a) Herbehereetako margolaria eta grabatzailea izan zen. Haren paisaia txiki informalek holandar paisaia-pintoreen tradizioari jarraitzen diote. Inpresionismoaren aitzindari izan zen Herbehereetan. Berak hedatu zuen Holandako margolariek bereizgarri duten argiaren trataera bitxia.

Biografia

Hagan hasi zen paisaia-margolaritza lantzen. 1846an Parisa joan zen, eta generoko margolariekin jardun zen han lanean. Parte hartu zuen 1848ko Erakusketan, eta baita 1852koan ere. Azken horretan domina bat eman zioten. Jongkinden lanak Camille Corot eta Charles-François Daubignyren koadroekin batera jarri zituzten ikusgai, baina Jongkind hurbilago dago giroa bereziki zaintzen zuten XVII. mendeko holandar paisaia-pintoreengandik, bere garai bereko frantses margolariengandik baino. Sena ibaiaren ertzeko eszenak margotzen zituen, Parisko auzo zaharrak, Normandiako itsasertza, eta Holandako ubideak.

1863an, Erakusketa Ofizialean atzera bota zutelarik, Salon des Refusesera (Ukatuen Erakusketara) jo zuen, eta han Claude Monet ezagutu zuen, inpresionismoaren aitzindaria. Monetek asko ikasi zuen Jongkingden eguratsa margotzeko modutik, eta haren argien eta islen efektuen azterketatik. Pissarro eta Sisley margolarien maisua ere izan zen.

1878an Isèren hartu zuen Jongkindek bizilekua, eta hantxe margotu zituen ospea eman dioten paisaiak. Ilargi izpiak agertzen direnak ditu bere lanen artean onenak. Lanik aipagarrienetako batzuk Ilargiaren argia Parisen, Holandako ubidea ilargitan, Harfleurgo kaia eta Havreko oroitza dira.

Grenoble ondoko Saint-Égrèveko eroetxean hil zen, 1891ko otsailaren 9an, alkoholak gaixotuta. La Côte-Saint-Andrén dago lurperaturik.

Iruditegia

Irudi bat handitzeko, klika ezazu gainean.

• 
  Parisko ikuspegia, Sena, zuresia, 1853,
  Musée des Beaux-Arts, Angers.
• 
  Sainte-Adresse hondartza, 1863, Louvre, Paris.
  
• 
  Neverseko kale bat, 1874,
  Stedelijk Museum, Amsterdam.

Wikimedia Commonsen badira fitxategi gehiago, gai hau dutenak: Johan Jongkind