Jeronimo Uztaritz

Jeronimo Uztaritz
Irudi gehiago
Bizitza
Jaiotza	Doneztebe, 1670eko azaroaren 16a
Herrialdea	Nafarroa Garaia, Euskal Herria
Heriotza	Madril, 1732ko urtarrilaren 31 (61 urte)
Hezkuntza
Hizkuntzak	gaztelania euskara
Jarduerak
Jarduerak	ekonomialaria
Jasotako sariak	ikusi San Jakueren ordena

Jeronimo Uztaritz Hermiaga (Doneztebe, 1670 – Madril, 1732) nafar militar, ekonomista eta politikaria izan zen. Theórica y práctica de Comercio y de Marina (1724) idatzi zuen, XVIII. mendeko ekonomia liburu garrantzitsuenetako bat.

Biografia

Jeronimo Uztaritz Donezteben jaio zen, 1670ean. 15 urterekin Madrilera joan zen karrera militarra egitera. Ondoko urtean Bruselako Errege Akademian sartu zen. Flandrian Bederatzi Urteko Gerran borrokatu zen, infanteria kapitaina izatera iritsiz. 1698tik aurrera Flandriako espainiar armadaren idazkaria izan zen, Bedmargo markesaren agindupean. Markesak, Siziliako erregeorde bilakatu zenean (1705), Estatu eta Gerra Idazkari izendatu zuen. 1706an Filipe V.ak Santiago Ordeneko zaldun izendatu zuen^[1].

1707an Madrilera itzuli eta hainbat kargu izan zituen Filipe V.aren administrazioan. Gerra eta Itsas-armada bulegoan aritu zen lehenik. Ondoren, besteak beste, Indietako kontseiluko Merkataritza eta Moneta Errege Juntako, Milioien Aretoko eta Tabakoaren Errege Juntako idazkaria izan zen^[2]. Merkataritza Juntako idazkaria (1727) eta Merkataritza eta Moneta Juntako ministroa (1730) ere izan zen. Eragin handia izan zuen Filipe V.a erregearen agintaldiko politika ekonomikoan^[1].

Pentsaera

Uztaritz bat zetorren Frantziako Finantza ministro Colberten doktrina ekonomikoekin. Espainiako kanpo merkataritzaren monopolioa, abantaila handiak zituzten konpainia pribatuen esku utzi izana ez zitzaion egokia iruditzen. Aitzitik, manufaktura industria sustatzea proposatu zuen, bai barne merkatua hornitzeko, bai kanpo merkatuan lehiatzeko. Horrekin batera zerga sistema aldatu beharko zen, espainiar produktuen zergak arinduz eta inportazioko salgaiei muga-zerga handiak ezarriz. Itsas armada eta merkataritza ontzidia indartsuak izatea beharrezko jotzen zuen^[3].

Lanak

Bere idazlan nagusia Theórica y práctica de Comercio y de Marina (1724) da. Lehenbiziko argitalpenak oso zabalkunde txikia izan zuen, baina, 1742an, bigarren aldiz argitaratu zenetik prestigio handia lortuz joan zen. Esate baterako Feijoo eta Voltaireren mirespena izan zuen. Adam Smithek jaso zuen bere lanaren berri^[4]. Luze gabe itzulpenak argitaratzen hasi ziren: ingelesezkoa (Londres, 1751), frantsesezkoak (Paris eta Hanburgo, 1753) eta italierazkoa zenbait urte geroago^[2].

Erreferentziak

↑ ^a ^b Biografias y vidas: Jerónimo de Uztáriz
↑ ^a ^b Auñamendi: Gerónimo de Uztariz Hermiaga
↑ Gran Enciclopedia Navarra: Uztáriz Hermiaga, Gerónimo^{[Betiko hautsitako esteka]}
↑ Arantzabal, Oskar. (D.L. 2014). Azpilkueta, ekonomiaren aitzindari. Pamiela ISBN 978-84-7681-821-3. PMC 890273646. (Noiz kontsultatua: 2022-12-25).

Kanpo estekak

Harluxet: Uztariz, Jeronimo

Autoritate kontrola	Wikimedia proiektuak Datuak: Q4639752 Multimedia: Geronymo de Ustariz / Q4639752 Identifikadoreak WorldCat VIAF: 40261837 ISNI: 0000000083752857 BNE: XX853402 BNF: 13754246n (data) CANTIC: a10322395 GND: 122487923 LCCN: n79099248 NLA: 49863703 SUDOC: 066911214 UB: a1008289 Open Library: OL2516475A Hiztegiak eta entziklopediak Auñamendi: 136975 Lur: 05938/eu_u_1197/u1197 GEN: 20254 DBE: url Bilduma digitalak BVMC: 64250 Ondare historikoa FMIS: LSH/agents/53193

Autoritate kontrola