Jean-Claude Gallotta

Jean-Claude Gallotta
Irudi gehiago
Bizitza
Jaiotza	Grenoble, 1950eko apirilaren 7a (74 urte)
Herrialdea	Frantzia
Familia
Ezkontidea(k)	Mathilde Altaraz (en)
Hezkuntza
Hizkuntzak	frantsesa
Jarduerak
Jarduerak	koreografoa, dantzaria eta film-zuzendaria
Jasotako sariak	ikusi Arte eta letren komendadorea  (2016ko otsailaren 10a)

Jean-Claude Gallotta (Grenoble, Isère, Frantzia, 1950eko apirilaren 7a) frantses dantzaria eta koreografoa da.

Biografia

Frantziako Jeune Danse taldeko dantzari nagusia izan zen, eta koreografiaren erabateko aldaketa ekarri zuen. Arte Ederren ikuspegitik, ikuskizun distiratsuak asmatu zituen, non antzezle, dantzari eta artistek bat egiten baitute.

New Yorken, Merce Cunningham koreografoaren lana ezagutu zuen. Hark Émile Dubois taldea sortzera bultzatu zuen, eta Grenobleko Kultura Etxeko sorkuntza koreografikoko taldea izan zen.

Ulysse (1981) lanarekin, bizitzaren poza adierazi nahi izan zuen, eta hiztegi klasiko eta modernoak bat egin nahi izan zituen. Ondoren egin zituen Les Aventures d'Ivan Vaffan (1984, "Ivavn Vaffanen abenturak") eta Les Louves et Pandora (1986, "Otsoak eta Pandora"). 1987an, Mammame lanak izugarrizko arrakasta izan zuen Dantza Berriaren Montrealgo Nazioarteko Jaialdian. Docteur Labus (1988) eta Les Mystères de Subal (1990, "Subalgo misterioak") egin eta gero, Gallottak antzerkian eta musikan barneratu zuen dantza, La Légende de Roméo et Juliette (1992) eta La Légende de Don Juan (1992) obrekin, esaterako.

Bere unibertso nahasi eta hunkigarria zinemara eraman zuen Rei Dom (1989) eta L'Amour en deux (1991) filmekin. 2009an, Serge Gainsbourgen L'Homme à tête de chou albuma egokitu zuen. Orduz geroztik, La Petite Sirène (2010), Faut qu'je danse ! (2011) eta Le Sacre du printemps (2012) proiektuak egin ditu.

Erreferentziak

Wikimedia Commonsen badira fitxategi gehiago, gai hau dutenak: Jean-Claude Gallotta

• Datuak: Q3164986
• Multimedia: Jean-Claude Gallotta / Q3164986