Ivano-Frankivskeko oblasta

Ivano-Frankivskeko oblasta Івано-Франківська область
Ukrainako oblasta
Administrazioa
Herrialdea	Ukraina
Hiriburua	Ivano-Frankivsk
Geografia
Azalera	13.928 km²
Demografia
Biztanleria	1.383.057 biztanle (2008)
Dentsitatea	99,3 bizt/km²
Bestelako informazioa
Hizkuntza ofiziala(k)	Ukrainera
www.rada.gov.ua

Ivano-Frankivskeko oblasta (ukraineraz: Івано-Франківська область, translit. Ivano-Frankivs’ka oblast’), Ukrainako sartaldeko oblasta da. Iparralde eta mendebaldean Lviveko oblastarekin du muga, hego-mendebaldean Transkarpatiako oblastarekin, hegoaldean Errumaniarekin, hego-ekialdean Txernivtsiko oblastarekin eta ekialdean Ternopilgo oblastarekin. 13.928 km²ko azalera du eta 2008an 1.383.057 biztanle zituen^[1]. Ivano-Frankivsk hiria da oblastaren zentro administratiboa. Galitzia eskualde historikoaren zati da.

Geografia

Hiru paisaia-mota bereiz ditzakegu: Karpatoak, Aurrekarpatoak eta lautadak. Karpatoek, probintziako hegoalde eta sartaldean hedatzen direnak, oblast honetako eremuaren erdia hartzen dute, bi mendigune nagusirekin: Gorgany (mendi gorena Syvulia, 1.818 m) eta Txornohora (gailur gorena Hoverla, 2.061 m). Dniester ibaiak bere bidea egiten du probintzian barna. Beste ibai batzuk hauexek dira: Prut, Txeremox eta Bystrytsia. Basoak ugariak dira, Aurrekarpatoetan batez ere, eta lurraldearen herena inguru estaltzen dute.

Klima kontinental hezea da. Udak fresko samarrak badira ere, neguak ez dira gogorrak. Ekaineko batezbesteko tenperatura 18 °C da (12–16 °C mendiguneetan) eta urtarrileko batezbestekoa −4 °C (−6 °C mendialdean). Urteko pilatutako prezipitazioa 650 mm eta 1550 mm (mendialdean) artekoa izaten da.

Hiri nagusiak

Ivano-Frankivskeko oblasteko hiri handienak hauek dira (2005eko biztanleria^[2])

• Ivano-Frankivsk: 219.479 biztanle
• Kalux: 67.389 biztanle
• Kolomyia: 61.210 biztanle

Probintziaren antolamendua

Bost raion edo barrutik osatzen dute oblasta. Bestetik, bost hiri (Bolekhiv, Kalux, Kolomyia, Jaremtxe, eta hiriburua den Ivano-Frankivsk) gobernuaren administrazioaren menpe daude zuzenean.

2020ko banaketa

2020ko uztailetik bost raion daude Ivano-Frankivskeko oblastean:

• Ivano-Frankivsk raiona
• Kalux raiona
• Kolomyia raiona
• Kosiv raiona
• Nadvirna raiona
• Verkhovyna raiona

2020 aurreko banaketa

Ivano-Frankivskeko oblastaren raionak eta berauen hiriburuak

		Ukraineraz	Zentru administratiboa
	Bohorodchanyko raiona	Богородчанський район	Bohorodchany
	Dolynako raiona	Долинський район	Dolyna
	Halytxko raiona	Галицький район	Halytx
	Horodenkako raiona	Городенківський район	Horodenka
	Kaluxko raiona	Калуський район	Kalux
	Kolomyiako raiona	Коломийський район	Kolomyia
	Kosivko raiona	Косівський район	Kosiv
	Nadvirnako raiona	Надвірнянський район	Nadvirna
	Rohatynko raion	Рогатинський район	Rohatyn
	Rozhniativeko raiona	Рожнятівський район	Rozhniativ
	Sniatyngo raiona	Снятинський район	Sniatyn
	Tlumatxeko raiona	Тлумацький район	Tlumatx
	Tysmenytsiako raiona	Тисменицький район	Tysmenytsia
	Verkhovynako raiona	Верховинський район	Verkhovyna

Erreferentziak

Kanpo estekak

• (Ukraineraz) Ivano-Frankivskeko administrazioaren ataria
• (Ingelesez) Ivano-Frankivsk oblast Ukrainetrek.com

• i
• e
• a

Ukrainaren banaketa administratiboa

Oblastak

Dnipropetrovsk · Donetsk · Ivano-Frankivsk · Kharkiv · Kherson · Khmelnytsky · Kiev · Kirovohrad · Luhansk · Lviv · Mikolaiv · Odesa · Poltava · Rivne · Sumy · Ternopil · Transkarpatia · Txerkasi · Txernihiv · Txernivtsi · Vinnytsia · Volinia · Zaporizhia · Zhytomyr

Autonomiadun Errepublika

Krimea¹

Estatus bereziko hiriak

Kiev · Sebastopol¹

¹ Nazioarteko legearen arabera Ukrainaren zati dira, baina Errusiaren zati dira de facto.