Itsasmuseum Bilbao

Itsasmuseum Bilbao
Museoa eta Euskalduna zubia. Irudi gehiago
Kokapena
Herrialdea	Euskal Herria
Probintzia	Bizkaia
Herria	Bilbo
Arkitektura
Deskribapena
Irekitze data	2003
Webgunea	https://www.itsasmuseum.eus/

Itsasmuseum Bilbao edo Bilboko Itsasadarra Itsas Museoa Bizkaiko Bilbo hiriburuan dagoen museoa da. Olabeaga auzoan dago, Euskalduna zubia eta Euskalduna jauregiaren alboan. Garai batean Euskalduna ontziola zegoen lekuan dago, Bilboko itsasadarraren Ezkerraldean.

Museo honen helburua Bilboko itsasadarra, Bilboko portua eta Bizkaiko itsaso-jarduerek historian zehar pilatutako kultura-ondarearen ikerketa, babesa eta hedapena sustatzea da. 27.000m²-koa azalera du. Ontziez gain, All Iron izena daraman edukiontzia, Ponpa etxea eta Karola garabia daude museoaren kanpoaldean.

Historia

Ontziola 1984ean itxi zen eta museoa 2003an ireki. 1997an Patronatua eratu zen, Bilboko esparru publiko eta pribatu nagusietako ordezkariek osatutakoa. 1999an zehar museoaren Babes eta Mezenasgo Egitasmoa martxan jarri zen, Fundazioaren Patronatuko kide ziren enpresa eta erakundeak jadanik programan sartuta zeuden.

Ordutegia

Neguko ordutegia

• Asteartetik ostiralera: 10:00etatik 18:00etara.
• Larunbatetan, igandeetan eta jai egunetan: 10:00etatik 20:00etara.
• Astelehenetan: itxita.
• Astearteetan: sarrera dohainik (Ikasturtean zehar, irailetik ekainera bitartean.)

Udako ordutegia (oraingo ordutegia)

• Asteartetik igandera: 10:00etatik 20:00etara.
• Astelehenetan: itxita.
• Astearteetan: sarrera dohainik (Ikasturtean zehar, irailetik ekainera bitartean.)

• 
  Karola garabia.
• 
  Museoko itsasontziak.

Ikus gainera

• Bilboko itsasadarra
• Euskalduna ontziola
• Bilboko portua

Kanpo estekak

• Bilboko Itsasadarra Itsas Museoaren webgunea (Gaztelaniaz) (Ingelesez)

• Datuak: Q3042272
• Multimedia: Itsasmuseum Bilbao / Q3042272