Carlton hotela
| Carlton hotela | |
|---|---|
 Eraikitako euskal ondasun nabarmena | |
 Carlton hotelaren aurrealdea  Irudi gehiago | |
| Kokapena | |
| Herrialdea |  Euskal Herria |
| Probintzia |  Bizkaia |
| Herria | Bilbo |
| Koordenatuak | 43°15′45″N 2°56′06″W / 43.26242°N 2.93492°W / 43.26242; -2.93492 |
 | |
| Historia eta erabilera | |
| Irekiera | 1926 |
| Arkitektura | |
| Arkitektoa | Manuel María Smith |
| Estiloa | Frantziako Bigarren Inperioaren estiloa |
| Ondarea | |
| EJren ondarea | 383 |
| Webgune ofiziala | |
Carlton Bilbon dagoen eraikin historiko eta hotel bat da.
Kokalekua
Indautxu azuko Federico Moyúa plazaren 2. zenbakian dago.
Historia
Carlton Hotelaren eraikina Manuel María Smith arkitektoak egindako eraikinen artetik adierazgarrienetako bat da. Eraikina 1919 eta 1926 urteen artean jaso zuten.
Carlton Hotelaren eraikinak esanahi historiko era sinbolikoa du, 1936-1937 bitarteko lehen Eusko Jaurlaritza eta Lehendakaritzaren egoitza izan zelako eta Bilboko hainbat eta hainbat ekintza ofizial eta kultural han egin ohi direlako.
1994an Ignacio Palacios arkitektoak zaharberritu zuen.
Ezaugarriak
Bigarren inperioa izeneko estilokoa da, XIX. mendeko hotelak eraikitzeko tradizioa jarraitzen duena, berandu xamar bada ere. Eraikin exentua da, zati bat hotelak betetzen du eta bestea berriz bulegoek. Oinplantak hiruki forma dauka, ertzak alakatuak dituela. Sotoa, erdisotoa, beheko solairua eta sei solairu ditu, azkenekoa atzeraeramana eta kuxindurakin. Alaketatik hurbilen dauden begiratokien ardatzen ondoan hormatalak daude eta gainerakoan paramentu rebokatuak. Hotelaren aurreko aldean karrerapea dago, bertara erdi parean dagoen teilatudun terrazatik sartzen da, apaingarri ugari dituen terrazatik. Elementuak simetrikoki jarriak daude. Beheko solairuak erdi puntuko bao adobelatu eta beheratuak dauzka. Lehenengoak, bao beheratuak eta dintelduak txandan-txandan, burdin forjatuz egindako barandadun balkoiekin. Bigarren solairuan bao dinteldunak eta begiratoki hegalduak daude, hirugarren eta laugarrenean bao dinteldunak eta bosgarrenean burdinezko barandadun balkoiak. Seigarren solairuak atzeraemangunea eta balkoi korritua dauka eta teilatua mantsardatua da, arbelezkoa. Barruko aldean material nobleak erabili dira. Denen artetik sarrera nagusia nabarmentzen da, ginga-argia duena.
Iruditegia
-
Moyúa enparantza, Carlton eskuinaldean duena. -
Carlton hotela. -
Urrutira.
Erreferentziak
- Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).
Kanpo estekak
| Euskarazko Wikipedian bada atari bat, gai hau duena: Bilbo |
- Carlton hotelaren webgunea (Gaztelaniaz)
| Autoritate kontrola |
|
|---|
Datuak: Q11682615
Multimedia: Hotel Carlton (Bilbao) / Q11682615
