Isabella Springmühl Tejada

Isabella Springmühl Tejada
Bizitza
Jaiotza	Guatemalako Hiria, 1997ko otsailaren 23a (27 urte)
Herrialdea	Guatemala
Lehen hizkuntza	japoniera
Jarduerak
Jarduerak	moda-diseinatzailea
Jasotako sariak	ikusi 100 Emakume (BBC) (2016)
Izengoitia(k)	Bella

Isabella Springmühl Tejada (Guatemala, 1997ko otsailaren 23a) moda diseinatzailea da.

Londresko Moda Astean parte hartu duen lehen Down sindromedun diseinatzailea da (2016an) eta urte berean BBCko 100 emakumeen zerrendan aipatua izan zen.^[1]^[2]^[3]

Biografia

Isabella Springmühl lau neba-arrebetan gazteea da eta bere amona ere diseinatzaile ezaguna izan zen.

Txikitatik agertu zuen bere talentua bere panpinentzat arropa diseinatuz eta josiz.

Zientzia eta Letra batxilergoa egin ostean, moda ikasi nahi izan zuen, baina Down sindromea izateagatik ez zuten unibertsitatean onartu eta josten ikasteko eskola batean izena eman behar izan zuen.^[1]^[4]

Lana

Gutemalako jantzi tradizionalen eragin handia dute bere lanek eta artista indigena ugarirekin egin du lan. Arropa eta akzesorioak bere herriko kulturan inspiratuta egiten ditu, bereziki, lore brodatu koloretsuekin eta Down to Xjabelle markaren bidez ematen ditu ezagutzera.^[4] Diseinatzeko prozesua Antiguako oihal indigenak aukeratuta hasten du, eta gero bere estudioan lantzen ditu jostun eta brodatzaile banarekin bere diseinuak sortuz.^[5]

Down sindromedun pertsonentzat egokitutako arropa ere diseinatu du.^[1]^[5]

2015ean jantzi indigenen Ixchel Museoan bere lana erakustera gonbidatu zuten eta, ordutik, ezagutzera eman zen (Panaman eta Mexikon besteak beste).^[1]^[5]

2016an bere jantziak Londresko Moda Asteko Nazioarteko Eskaparatean erakutsi zituzten.^[6] Urte horretako urrian Erroman aurkeztu zituen bere diseinuak.^[7]

Azkenik, 2016an ere, bere lanagatik BBCko 100 Emakumeen zerrendan sartu zuten.^[1]^[5]

Erreferentziak

↑ ^a ^b ^c ^d ^e Quién es Isabella Springmühl, la exitosa diseñadora de moda con Síndrome de Down. In Infobae. (Noiz kontsultatua: 2021-08-09).
↑ «La historia de la exitosa joven diseñadora guatemalteca con síndrome de Down» CNN (Noiz kontsultatua: 2021-08-09).
↑ La diseñadora con síndrome de Down que conquistó las pasarelas. In Para ti. (Noiz kontsultatua: 2021-08-09).
↑ ^a ^b Isabella Springmühl (1996). In Mujeres Bacanas. (Noiz kontsultatua: 2021-08-09).
↑ ^a ^b ^c ^d Khawaja, Ahmen. (2016-11-29). «100 Women 2016: Designing clothes for people with Down's syndrome» BBC (Noiz kontsultatua: 2021-08-09).
↑ López, Esvin. (2016-09-02). Isabella Springmuhl, diseñadora con síndrome de Down, estuvo con Camilo Egaña. (Noiz kontsultatua: 2021-08-09).
↑ García, Cynthia. (2016-09-02). «Isabella Springmühl, una exitosa diseñadora con Síndrome de Down camino a la London Fashion Week» ¡Hola! Mexico (Noiz kontsultatua: 2021-08-09).