Ignacio Zoco

Ignacio Zoco
Irudi gehiago
Bizitza
Jaiotzako izen-deiturak	Ignacio Zoco Esparza
Jaiotza	Garde, 1939ko uztailaren 31
Herrialdea	Nafarroa Garaia, Euskal Herria
Heriotza	Madril, 2015eko irailaren 28a (76 urte)
Hobiratze lekua	Iruñea
Heriotza modua	: leuzemia
Familia
Ezkontidea(k)	María Ostiz
Hezkuntza
Hizkuntzak	gaztelania
Jarduerak
Jarduerak	futbolaria
Ibilbidea Taldeak Urteak J G Oberena Kirol Elkartea 1957 / 1959 Club Deportivo Iruña 1959 / 1959 Osasuna 1959 / 1962 69 4 Espainiako futbol selekzio nazionala 1961 / 1969 25 1 Espainiako B selekzioa 1961 / 1961 Real Madril 1962 / 1974 318 8
Parte-hartzailea 1966ko Munduko Futbol Txapelketa UEFA Euro 1964
Posizio edo espezialitatea	erdilaria
Altuera	183 zentimetro
Jasotako sariak	ikusi Frantzisko Xabierkoa saria  (2011)

Ignacio Zoco Espartza (Garde, Nafarroa Garaia, 1939ko uztailaren 31 – Madril, 2015eko irailaren 28a) Euskal Herriko futbolaria izan zen. Osasunan eta Real Madrilen aritu zen.

Ibilbidea

Haren lehen talde profesionala Osasuna izan zen, 1959tik 1962ra; ordurako erdilari sendoa izateagatik eta bere fisikoagatik (1,84 m) nabarmentzen hasia zen.

1962an Real Madridek fitxatu zuen eta han hamabi denboraldi eman zituen, 1974 arte; urte horiek talde madrildarraren historiako onenetakoak izan ziren: jokalaria zela, zazpi liga eta 1966ko Europako Kopa irabazi zituen^[1].

Futbolaria izateari utzi zionean Nafarroako Gobernuaren Kirol Delegatua izan zen, UCDk izendatuta. Real Madridekiko lotura gorde eta jokalari-ohien batzordeko kidea izan zen. 1994ko urtarrilaren 13an lehen taldeko delegatua izendatu zuten, Miguel Ángel Gonzálezen ordez^[2]. Karguan 1997-1998 denboraldia arte egon zen eta Chendok ordezkatu zuen.

María Ostiz kantariarekin ezkondu zen.

Espainiako selekzioan

Espainiako selekzioarekin 25 partidatan aritu zen eta gol bakarra sartu. Lehen aldia 1961eko apirilaren 19an izan zen, Galesko futbol selekzio nazionalaren kontra; azkena Liejan (Valonia), Belgikaren kontra^[3] izan zen. Espainiak irabazitako 1964ko Eurokopan esku hartu zuen, bai eta Ingalaterrak antolatutako 1966ko Munduko Futbol Txapelketan ere; hor, taldea lehen fasean kanporatua izan zen.

Erreferentziak

Kanpo loturak

• (Gaztelaniaz) Zocoren fitxa Real Madrideko web orri ofizialean.

Wikimedia Commonsen badira fitxategi gehiago, gai hau dutenak: Ignacio Zoco

• i
• e
• a

1964ko Europako Futbol Txapelketako espainiar taldea

1 Iribar • 2 Pepín • 3 Train • 4 Adelardo • 5 Calleja • 6 Etxeberria • 7 Olivella • 8 Reija • 9 Rivilla • 10 del Sol • 11 Fusté • 12 Ruiz • 13 Zoco • 14 Amancio • 15 Collar • 16 Guillot • 17 Lapetra • 18 Marcelino • 19 Pereda • 20 Suárez

Entrenatzailea: José Villalonga