Goma

Goma gai likatsu eta gardena da, zuhaixka batzuen enborrei dariena. Nagusiki polisakaridoz osatua, uretan erraz disolbatzen da. Tropikoko zuhaitz batzuen enborretan (Acacia eta Astragalus generokoak) sortzen diren konkorrak hartuta lor daiteke, eta baita kimika baliabideak erabilita ere, almidoizko eta zelulosazko gaien sintesia eginez (goma sintetikoa).

Goma-landare batzuek, Arabiako gomak adibidez, uretan disolbatu eta disoluzio gardenak sortzen dituzte. Beste goma batzuek, goma tragakantak, adibidez, gelatina-itxurako gaia osatzen dute, ura xurgatzeko erraztasuna dutelako. Egonkortzaile eta emultsionatzaile moduan erabiltzen da industrian.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.