Goa

Goa
India
Administrazioa
Herrialdea	India
ISO 3166-2	IN-GA
Hiriburua	Panaji (en)
Chief Minister of Goa (en)	Pramod Sawant (en)
Geografia
Koordenatuak	15°24′07″N 74°02′36″E / 15.40194°N 74.04333°E / 15.40194; 74.04333
Azalera	3.702 km²
Mugakideak	Maharashtra eta Karnataka
Demografia
Biztanleria	1.458.545 (2011)
719.405 (%49,3)   (%50,7) 739.140
906.814 (%62.2) 551.731 (%37.8)
1.165.487 (%79.9) 293.058 (%20.1)
Dentsitatea	393,99 bizt/km²
Hizkuntza ofiziala	konkanera
Ordu eremua	UTC+05:30
goa.gov.in

Goa (konkaneraz गोंय ɡɔ̃j) India mendebaldeko estatua da, Errepublika osoko txikiena dena.

Geografia

Goa Indiako mendebaldeko kostaldean dago, Konkan izeneko eskualdean, hain zuzen ere. Konkan Mendebaldeko Ghat mendiak mendilerroak banatuta dago Dekan goi-ordokitik. Estatuko mendirik altuena 1.167 metroko Sonsogor da. Mendebaldean, Goak 101 kilometroko kostaldea du Arabiako itsasoan. Mugakideok ditu: iparraldean, Maharashtra; eta ekialdean eta hegoaldean, Karnataka.

Historia

1510ean, Timoji bertako buruzagiari esker, Portugalek Bijapur erregeak mendean hartu eta Velha Goa (euskaraz: Goa Zaharra) sortu zuen. 1560an Inkisizioa eratu eta goatar asko kristautasunera aldatu ziren.

XX. mendea arte, Portugaldar Inperioaren menpe egon zen, eta Britainiar Inperiotik 1947an Indiak independentzia lortu arren, Portugalek bere bere indiar barrendegien jabetasuna negoziatzeari uko egin zion. 1961eko abenduaren 12an, Indiako armadak Vijay operazioa hasi eta Goa, Daman eta Diu anexionatu zituen. Hasieran gobernuak berak administratua izan bazen ere, 1987ko maiatzaren 30ean, Goa India hogeita bostgarren estatua bihurtu zen^[1].

Barrutiak

Estatua bi barrutitan banatuta dago: Ipar Goa eta Hego Goa. Ipar Goako hiriburua Panaji da; Hego Goakoa, berriz, Margao.

Barrutiak hamaika talukatan banatuta daude:

• Ipar Goako talukak: Bardez, Bicholim, Pernem, Ponda, Sattari eta Tiswadi.
• Hego Goako talukak: Canacona, Mormugao, Quepem, Salcete eta Sanguem.

Goako hiri nagusiak Vasco, Margao, Mormugao, Panjim eta Mapusa dira.

Erreferentziak

Kanpo estekak

• Estatuko webgune ofiziala

• Datuak: Q1171
• Multimedia: Goa / Q1171