Eusebio Maria Azkue

Eusebio Maria Azkue
Bizitza
Jaiotza	Lekeitio, 1813ko apirilaren 13a
Herrialdea	Bizkaia, Euskal Herria
Heriotza	Lekeitio, 1873ko azaroaren 11 (60 urte)
Familia
Seme-alabak	ikusi Resurreccion Maria Azkue
Hezkuntza
Hizkuntzak	euskara gaztelania
Jarduerak
Jarduerak	poeta eta idazlea
Zerbitzu militarra
Parte hartutako gatazkak	Lehen Karlistaldia

Eusebio Maria de los Dolores Azkue Barrundia (Lekeitio, Bizkaia, 1813ko apirilaren 13a – ib., 1873ko azaroaren 11) euskal idazlea izan zen. Resurreccion Maria Azkue hizkuntzalariaren aita. Matematikazale eta olerkaria zen, «poeta aratza, herrikoia izateari utzi gabe».^[1]

Bizitza

Bilboko frantziskotarretan egin zituen lehen ikasketak. Karlisten alde borrokatu zen Lehen Karlistaldian. Gerra amaituta, Marotoren hitzarmena ez baitzuen aintzat hartu, Ferrolera joan zen nautika ikasketak egitera. Pilotu gisa zenbait urtez itsasoan ibili eta gero, nautika irakasle aritu zen Bermeon, Mundakan eta azkenik Lekeition.

Lanak

Mundakan idatzi zituen poesia gehienak, 1860. urtearen inguruan. Eusebioren poesiak Resurreccion Maria semeak argitaratu zituen aita hil ondoren, Parnasorako bidea (1896) izenburupean. Mota guztietako olerkiak ditu: onerazpenekoak (deboziozkoak), ipuinak, jolasgarriak, kondairazkoak, irrigarriak, ziri-bertsoak (epigramak), pozgarriak eta benetakoak, semearen sailkapenaren arabera. Bertatik ezagutzen zuen euskaldunen bizitzaren alderdiak deskribatu ditu modu koloretsuz, epigrametan eta satiretan halako malezia kutsu bat erakusten duelarik.

Poesia

• Parnasorako bidea (1979, Hordago)

Bertsoa

• Euskarazko vertsoak (1991, Labayru)

Eusebio Maria Azkueri buruzko lanak

• Eusebio Erkiaga, "Bizkaiko olerkari bat: Eusebio Maria Dolores Azkue Barrundia" Olerti, I, 67-79. (1961)
• Eusebio Erkiaga, "Eusebio Maria D. Azkue gizon eta idazle" E, (1973)

Erreferentziak

Kanpo loturak

• «Eusebio Maria Azkue», Literaturaren Zubitegia.

• Datuak: Q12257439