Estremoz

Estremoz
Portugalgo udalerria
Irudi gehiago
Administrazioa
Estatu burujabe	Portugal
Portugalgo barrutia	Evora
Posta kodea	7100
Geografia
Koordenatuak	38°50′32″N 7°35′17″W / 38.8422°N 7.588083°W / 38.8422; -7.588083
Azalera	513.8 km²
Altuera	425 m
Mugakideak	Borba, Redondo, Évora, Arraiolos, Sousel, Fronteira eta Monforte
Demografia
Biztanleria	14.318 (2011)
Dentsitatea	27,87 bizt/km²
Informazio gehigarria
Ordu eremua	Europa Mendebaldeko Ordua
Hiri senidetuak	Zafra
cm-estremoz.pt

Estremoz Portugalgo Evorako barrutian dagoen udalerria da. 2011ko erroldaren arabera, herriak 14.318 biztanle ditu.

Historia

Aintzinatik populatua izan den eremuan kokaturik dago Estremoz. Erromatarren, bisigodoen eta mairuen okupazioaren aztarnak aurkitu izan dira udalerrian.

XII mendean Geraldo "Beldurgabeak" (Geraldo Sem Pavor) Estremoz eta Évora hiri biak eskuratu zituen. Mairuek Estremoz berreskuratu zuten baina XIII mendearen hasieran berriz ere kristauen menpe gelditu zen Antso II.a Portugalgoaren eskutik. 1258an foruak jaso eta gotortu egin zen, Gaztela eta Portugalen arteko mugan kokaturik baitzegoen.

Dinis I.a Portugalgoak gaztelua eta jauregia eraiki zituen bertan eta errege familiaren egoitza ere izan zen. Bere alarguna zen Elizabet erregina bertan hil zen 1336an, baita hauen iloba zen Petri I.a ere 1367an.

Espainiarengandik askatzeko gerran (1640-1668) hainbat borroka erabakigarri izan ziren Estremozen, ezagunenak Ameixialgoa (1663) eta Montes Claros-koa (1665).

Banaketa administratiboa

Fregesiak

• Arcos
• Évora Monte
• Glória
• Santa Maria (Estremoz)
• Santa Vitória do Ameixial
• Santo André (Estremoz)
• Santo Estêvão
• São Bento de Ana Loura
• São Bento do Ameixial
• São Bento do Cortiço
• São Domingos de Ana Loura
• São Lourenço de Mamporcão
• Veiros

Demografia

Estremozeko marmola

Estremoz ezaguna da inguruan dituen marmol harrobiengatik. Mundu osoko buigarren esportatzaile handiena da, Carrararen atzetik.

Hainbat koloretako marmolak aurkitzen dira bertan, zuriak, krema koloredunak, arroxak, grisak eta beltzak. Denen artean eskaera handiena arroxak dauka, Rosa Aurora eta Estremoz arroxa izenaz ezagutzen dena.

Erromatarrek ustiatu zuten lehenengo aldiz eta Méridako zirkua egiteko erabli zuten. Portugalgo Aurkikuntzen Aroan egindako eraikin ugari ere bertako marmolaz egin ziren, hala nola, Jeronimotarren monasterioa, Belém dorrea, Batalhako monasterioa eta Alcobaçako monasterioa.

Hainbestekoa da Estremozen dagoen marmola, dena saldu ezin eta etxeak margotzeko txikitu egiten dutela.

Ondasun nabarmenak

• Estremozeko gaztelua: XIII mendekoa.

Iruditegia

• 
  Gaztelua eta alde zaharra.
• 
  Gazteluaren harresiak.
• 
  Estremozeko plaza nagusia.
• 
  Aguias de Ouro kafetegia.
• 
  Inguruko lurren ikuspegia.
• 
  Evoramonte gaztelua.

Erreferentziak

Kanpo estekak

• (Portugesez) Estremozko udalaren webgunea.

• Datuak: Q625157
• Multimedia: Estremoz / Q625157