Diego Velázquez de Cuéllar

Irudi gehiago

Kubako Gobernadorea

Bizitza

Jaiotza

Cuéllar, 1465

Herrialdea

Espainia

Heriotza

Santiago, 1524ko ekainaren 12a ^{(egutegi gregorianoa)} (58/59 urte)

Heriotza modua

berezko heriotza: sukarra

Familia

ikusi

Juan de Grijalva ^(en) ()

Hezkuntza

Hizkuntzak

gaztelania

Jarduerak

konkistatzailea eta militarra

Parte-hartzailea

1493 Columbus Voyage to Americas ^(en)

Kidetza

Columbus Conquistador of America ^(en)

Gradua

jeneral

Sinesmenak eta ideologia

Erlijioa

katolizismoa

Diego Velázquez de Cuéllar (Cuéllar, 1465 – Santiago de Cuba, 1524eko ekainaren 11 edo 12a) espainiar konkistatzailea izan zen. Kubaren konkistako buruzagi nagusia, bertako lehen gobernadorea izan zen, 1516tik 1524ra.

Bizitza

Cuéllarko kapare familia batean jaio zen 1465ean. Kapitain Handiarekin borrokatu zen Napolin.^[1] 1493an, Kristobal Kolonen bigarren bidaian joan zen Ameriketara. 1509an, Hispaniola uharteko gobernariak, Diego Kolonek, gudaroste bateko buruzagi izendatu eta Kuba konkistatzera bidali zuen. 1511n, Nuestra Señora de la Asunción de Baracoa hiria sortu zuen, eta handik zuzendu zuen uhartearen konkista eta kolonizazioa hurrengo urteetan. 1514an, Pánfilo de Narváezen laguntzarekin, Kuba osoa hartzea lortu zuen. Kolonizazio baketsua egitearen aldekoa izan zen, eta indiarren aurkako gehiegikeriak zigortu zituen.

1517an, espedizio bat antolatu zuen Yucatán penintsulara, Francisco Hernández de Córdobaren gidaritzapean. 1518an, Hernán Cortés bidali zuen Mexikora eta buruzagi nagusi izendatu zuen; geroago, ordea, haren izendapena baliorik gabe uztea erabaki zuen. Cortések ez zion jaramonik egin, eta Diego Velázquezek Pánfilo de Narváez bidali zuen haren aurka, armada indartsu baten buru. Baina, 1520an, Cortések arazo handirik gabe menderatu zuen Narváezen gudarostea Zempoalan.^[1] 1524an, Cristóbal de Olid bultzatu zuen Cortésen aurka matxinatzera Hondurasen. Baina Cortésen tropek Olid atxilotu eta hil zuten.

Diego Velázquez Santiago de Cuban hil zen, 1524eko ekainaren 11 eta 12ren arteko gauean.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014/12/29 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ ^a ^b Lorenzo, Eufemio. Castilla y León en América. 34-40. orrialdeak, Ámbito Ediciones, S.A., bibliotecadigital.jcyl.es (Noiz kontsultatua: 2017-11-12).

Wikimedia Commonsen badira fitxategi gehiago, gai hau dutenak: Diego Velázquez de Cuéllar

Autoritate kontrola	Wikimedia proiektuak Datuak: Q310566 Multimedia: Diego Velázquez de Cuéllar / Q310566 Identifikadoreak WorldCat VIAF: 39106071 ISNI: 0000000081177289 BNE: XX1520384 LCCN: no2005034581 SUDOC: 137402627 Hiztegiak eta entziklopediak Lur: 05965/eu_v_0238/v0238 DBE: url Britannica: url