Claude Joseph Vernet

Claude Joseph Vernet

Irudi gehiago
Bizitza
Jaiotzako izen-deiturakClaude Joseph Vernet
JaiotzaAvignon, 1714ko abuztuaren 14a
Herrialdea Frantziako Erresuma
Lehen hizkuntzafrantsesa
HeriotzaParis, 1789ko abenduaren 3a (75 urte)
Familia
AitaAntoine Vernet
Ezkontidea(k)Virginie Cecil Parker (en) Itzuli
Seme-alabak
ikusi
  • Carle Vernet
    Marguerite Émilie Chalgrin (en) Itzuli
Anai-arrebak
ikusi
  • Jean-Antoine Vernet (en) Itzuli
Hezkuntza
Hizkuntzakfrantsesa
Irakaslea(k)Adrien Manglard
Bernardino Fergioni (en) Itzuli
Ikaslea(k)
ikusi
  • Carle Vernet
    Jean-Pierre Péquignot (en) Itzuli
    Jean-Antoine Vernet (en) Itzuli
    Henry d'Arles (en) Itzuli
Jarduerak
Jarduerakmargolaria, grabatzailea, litografoa eta artista bisuala
Lantokia(k)Italia
Lan nabarmenak
ikusi
  • The Cascade at Tivoli (en) Itzuli
KidetzaAcadémie des belles-lettres, sciences et arts de La Rochelle (en) Itzuli
Académie royale de peinture et de sculpture (en) Itzuli
Genero artistikoapaisaia margolaritza
Itsas pintura

Musicbrainz: f0ecb0b7-c756-47e7-b209-a13a4b64d727 Discogs: 2234550 Edit the value on Wikidata
Artikulu hau margolari okzitaniarrari buruzkoa da; beste esanahietarako, ikus «Vernet».

Claude Joseph Vernet, izen laburrez Joseph Vernet (Avignon, Okzitania, 1714ko abuztuaren 14Paris, 1789ko abenduaren 3) margolari eta marrazkilaria izan zen.

Biografia

Proventzan hazia, bere maisutzat Adrien Manglard izan omen zuen. 1734an Erromara joan zen; han paisaiaren eta portuen margolarien lana ikertzeari ekin zion. Erroman Bernardino Fergioni eta Adrien Manglard-ekin ikasi zuen.[1][2][3][4] Hori dela eta Verneten lanean Claude Gelléeren estilo eta gaiak aurkituko dira. Nicolas Poussin ere artista kutuna izan zuen. Denboraren poderioz, ordea, berezko estiloa sortuz joan zen.

Bere lanetan alde batetik natura margotzen du, zeruari espazio handia -margoaren bi herenak- eskainiz, bestetik eguneroko bizitzaren pertsonaiak eta eszenak.

1753an Abel-François Poisson de Vandières Marignyko markesak, geroago Luis XV.aren Eraikinetako zuzendaria izango zenak, Frantziako erresumako 24 portuetako margoak enkargatu zizkion; 1753tik 1762ra horietako hamabost egin zituen. Portuetako orduko bizitzaren benetako testigantzak dira eta portuen margolaririk ezagunenetakoa bihurtu zen.

Carle Vernet semea, Horace Vernet iloba eta Émile Vernet-Lecomte birriloba ere margolariak izan ziren.

Lanak

  • Avignon jaioterriko Calvet Fundazioak bere lanetako batzuk Calvet museoan erakusten ditu.
  • Toulongo Arte museoan Le torrent datarik gabeko lana dago.
  • Bordelen Vue sur le port de Bordeaux, 1758koa dago.
  • Le Havren André Malraux museoak Le port de La Rochelle lana du.
  • Parisko Itsasoaren Museoak portuetako serieko hamahiru margolan ditu erakusgai, 1943an Louvre museoak han utzi zituenetik; Louvrek berak serieko L'entrée du port de Marseille eta La ville et la rade de Toulon ditu.
  • Bruggeko Groeningemuseumek 1759ko Naufrage margolana du.
  • Filadelfiako Philadelphia Museum of Arten sei lan daude: Villa Caprarolan, Naufragioa kostaldean, BI marinel, Ekaitza kostaldean, kostaldeko beste eszena bat eta arrantzaleak agertzen diren Vernetena omen den gouache bat[5].
  • Kemperko Artederretako museoan 1772ko Marine, Clair de lune eta 1788ko Le Pêcheur à la ligne daude.
Vernetek margotutako Baionako portuko ikuspegia.

Baionako portua

Margotu zituen portuen artean Baionakoa dago. Lapurdiko hiriburura 1759ko uztailaren 7an heldu zen eta 1761eko ekainaren 20a arte egon zen; Émilie alaba Baionan jaio zen[6]. Vernetek bi margolan egin zituen, Le port de Bayonne eta Vue de la ville et du port de Bayonne. Prise de l'allée de Boufflers près de la porte Mousserole[7][8]. Bitxia da artistak ez zuela Luis XV.aren enkargua bete, erregeak koadro bakarrean kortsarioak eta harrapatutako itsasontziak agertzeko eskatu ziolako baina Vernetek bi egin bazituen ere bakarrean ere ez dira kortsarioak agertzen, ezagutzen ez diren arrazoiengatik; Aturriko barra eta itsasoa furian agertzeko ere esan zitzaion eta margolariak ez zituen aintzat hartu; hiria izan zuen ardatz, batean erregearekiko lotura eta boterea adierazten dituen ziudadela eta bestean hiria merkataritza eta trukeetarako leku paregabea dela ateratzen dira azpimarratuak[9].

Vernetek Baionako portuaz egin zituen margolanez Denis Diderotek laudorioak egin zituen; aldiz, erretaula ilunegiak atera zitzaizkiola kritikatu zuen eta arrats hondarreko Baiona hori islatzea ez zela hautu ona iritzi zion.

Galeria

Bibliografia

  • Léon Lagrange: Joseph Vernet et la peinture au siècle XVIIIe, Paris, 1864, bigarren edizioa.
  • Florence Ingersoll-Smouse: Joseph Vernet, Peintre de marine, Étude critique et catalogue raisonné..., Paris, 1926.

Erreferentziak

  1. .
  2. .
  3. .
  4. .
  5. Vernet Philadelphia Museum of Arten.
  6. Biografia, Over-blog.com.
  7. Mousserole idatzi zuen; egun Mousserolles edo Mosoeleta izena daramana.
  8. Historic-marine-france.com.
  9. Euskaltzaindian sartze-mintzaldia: Baionan, Xarles Bidegain, Euskera 2010, 55, 3. 1.099-1.100.or.

Ikus, gainera

Kanpo estekak

  • World visit guide.
Autoritate kontrola
  • Wikimedia proiektuak
  • Wd Datuak: Q315819
  • Commonscat Multimedia: Joseph Vernet / Q315819

  • Identifikadoreak
  • WorldCat
  • VIAF: 14965328
  • ISNI: 0000000080944503
  • BNE: XX5000038
  • BNF: 13962472t (data)
  • GND: 118966928
  • LCCN: n50070309
  • NKC: ola2002153903
  • NLA: 35717551
  • CiNii: DA09328986
  • SNAC: w6q24kxp
  • SUDOC: 033858357
  • ULAN: 500029638
  • BIBSYS: 7043240
  • ICCU: VEAV037389
  • KulturNav: id
  • RKD: 80560
  • Hiztegiak eta entziklopediak
  • Auñamendi: 140454
  • Britannica: url
  • Bilduma digitalak
  • Museo del Prado: 108a4328-e291-4963-b47a-14c07e329565
  • Ondare historikoa
  • FMIS: LSH/agents/30642
  • Wd Datuak: Q315819
  • Commonscat Multimedia: Joseph Vernet / Q315819