Charles Krebs

Charles Krebs
Irudi gehiago
Bizitza
Jaiotzako izen-deiturak	Charles J. Krebs
Jaiotza	Saint Louis, 1936ko irailaren 17a (87 urte)
Herrialdea	Kanada Ameriketako Estatu Batuak
Bizilekua	Mayne Island ^(en)
Hezkuntza
Heziketa	Minnesotako Unibertsitatea Columbia Britainiarreko Unibertsitatea
Tesi zuzendaria	Dennis Chitty ^(en)
Hizkuntzak	ingelesa
Jarduerak
Jarduerak	zoologoa, ekologoa eta unibertsitateko irakaslea
Enplegatzailea(k)	Columbia Britainiarreko Unibertsitatea University of Canberra ^(en)
Jasotako sariak	ikusi Eminent Ecologist Award (2002) Fellow of the Ecological Society of America (2012) Corresponding Member of the Australian Academy of Science (2002) Fellow of the Royal Society of Canada Weston Family Prize (2014)
Kidetza	Royal Society of Canada ^(en) Australian Academy of Science ^(en)
zoology.ubc.ca…

Charles Krebs (St. Louis, Missouri, 1936ko irailaren 17a) estatubatuar zoologo eta ekologista da.

Ikasle garaian, St. Louiseko larru-saltegi batentzat lan egin zuen udetan, fokak harrapatuz Bering itsasoan. Minnesota Unibertsitatean ikasketak egindakoan (1957), Vancouverrera joan zen, Dennis Chittyrekin ikastera, leming-ugaztunetan aditua bera. Britainiar Columbiako Unibertsitateko ikastaldia bukatuta (1962), eta Berkeleyn bi urtez ikerkuntzan aritu ondoren, jaioterrira itzuli zen ostera, zoologia irakastera Indianako Unibertsitatean. 1970ean Vancouverrera itzuli zen, eta harrezkero zoologia-irakasle izan da Britainiar Columbiako Unibertsitatean. Lemingen eta iparraldeko beste ugaztun txiki batzuen kopurua zenbait urtez behin (lau-hamar urte bitarteko epean) bat-batean izugarri murriztea zergatik gertatzen den argitzea izan da haren lanaren helburu nagusia. Misterio hori argitzen saiatzeko, futbol-zelai baten neurriko belardi bat hesiz inguratu zuen, hesi barruan bizitzen jarritako sagu-populazioarekin zer gertatzen den ikusteko. Urtebetean bakarrik sagu-populazioa bost aldiz handitu zen. Krebsen ustez, bizi-baldintzak gogortu ahala, eta hautaketa naturalaren kariaz, banako oldarkorrenak nagusitzen dira. Azkeneko populazio-galera edo hilketa handi bat-batekoa, berriz, badirudi amek eragina dela, auzo habietako ume guztiak hiltzen dituztelako.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Autoritate kontrola	Wikimedia proiektuak Datuak: Q9189042 Multimedia: Charles Krebs / Q9189042 Identifikadoreak WorldCat VIAF: 29611756 ISNI: 0000000110234431 BNE: XX989918 BNF: 12367224f (data) GND: 1025604857 LCCN: n85810880 NKC: mzk2006368088 SUDOC: 032691076 ORCID: 0000-0002-2058-2533 Hiztegiak eta entziklopediak Lur: 03609/eu_k_2963/k2963