Carrickfergus

Carrickfergus
herria
Irudi gehiago
Administrazioa
Estatu burujabe	Erresuma Batua
Herrialdea	Ipar Irlanda
County of Northern Ireland	Antrimeko konderria
Posta kodea	BT38
Geografia
Koordenatuak	54°42′49″N 5°48′27″W / 54.7136°N 5.8075°W / 54.7136; -5.8075
Azalera	12.242 km²
Demografia
Informazio gehigarria
Telefono aurrizkia	028
Ordu eremua	UTC±00:00
Hiri senidetuak	Portsmouth (New Hampshire)

Carrickfergus (gaeleraz Carraig Fhearghais, eskozieraz Carrick) izen bereko gazteluaren inguruan eraturiko herria da, Belfast hiriburutik 18 kilometro ipar-ekialdera dagoena, Belfasteko metropoli eremuan dago beraz. Antrimeko konderriaren barnean dago.

Etimologia

Dál Riatako errege mitikoa zen Fergus Mór izan zen gazteluaren izena inspiratu zuena. Carrick hitzak "arroka" esan nahi du.

Historia

1177an Carrickfergus gaztelua eraiki zuen John de Courcyk. Herria bera inguruan eratuz joan zen, Belfast sortu baino lehenago. Badia bera ere gaur egun Belfast Lough izenaz ezagutzen den arren, mendeetan zehar Carrickfergus Lough izan zen.

Irlandarren eta ingelesen arteko Bederatzi Urteko Gerran (1595-1603) irlandarrek setiatu zuten baina koroaren aldeko indarrek bertan iraun zuten herriko kaietik sartzen ziren horniketei esker. XVII mendean gazteluak setio asko izan zituen eta sarritan aldatu zen eskuz, harik eta 1690an Schomberg generalak Ingalaterrako Gilen III.arentzat eskuratu zuen arte.

Bigarren Mundu Gerran Armada estatubatuarraren base bat izan zen herrian. 70. hamarkadan ehungintzak bultzada ekonomikoa eman zion herriari eta gaur egun turismoa ere nabarmena da.

Musika

• Carrickfergus (abestia): Irlandako folk abesti herrikoi honek izenburua udalerri honi zor dio.

Hiritar ezagunak

• Robert Adrain (1775–1843), garaiko matematikaririk handienetakoa.

Hiri senidetuak

• Ruda Śląska (Polonia)
• Anderson (Hego Carolina) (AEB)
• Danville (Kentucky) (AEB)
• Jackson (Michigan) (AEB)

Kanpo estekak

• Datuak: Q1020354
• Multimedia: Carrickfergus / Q1020354