Andrei Rubliov

Andrei Rubliov
Irudi gehiago
Bizitza
Jaiotza	Moskuko Printzerria, ?
Herrialdea	Moskuko Printzerria
Heriotza	Andronikov Monastery (en) , 1430eko urtarrilaren 29a (egutegi gregorianoa) (60/70 urte)
Hobiratze lekua	Andronikov Monastery (en)
Heriotza modua	berezko heriotza: izurri bubonikoa
Irakaslea(k)	Theophanes the Greek (en)
Jarduerak
Jarduerak	margolaria, iconographer (en) eta illuminator (en)
Lan nabarmenak	ikusi Hirutasunaren ikonoa Christ the Redeemer (en) Archangel Michael (en)
Genero artistikoa	icon painting (en) Miniatura
Santutegia
Uztailaren 4
Sinesmenak eta ideologia
Erlijioa	kristautasun ortodoxoa
andrey-rublev.ru

Andrei Rubliov^[1] (errusieraz: Андре́й Рублёв; 1360-1370 bitartean - Andronikov monasterioa, Mosku, 1430 aldean) errusiar lekaide ortodoxo eta ikono zein fresko margolaria izan zen. Errusiako ikonogile handientzat hartzen da^[2]. 1988an kanonizatua izan zen.

Bizitza

Informazio gutxi dago Rublioven bizitzaren gainean. 1405ean, Vasili I.aren aginduz, Moskuko Kremlingo Deikunde katedraleko freskoak margotu zituen, Theophanes Grekoa eta Prokhor Gorodetsekoarekin batera. 1408an, Daniil Txiorny eta biek Vladimirko Jasokunde katedralean lan egin zuten; ikonostasiko ikonoak margotu eta paretak apaindu zituzten. Zvenigorodeko Jasokunde katedralean ere, ikonostasia eta paretetako freskoak margotu zituen^[3].

Rublioven bizitza bi monasteriori loturik dago. Sergiev Posadeko Hirutasun Santuaren monasterioan hartu zituen lekaide ordenak. Geroago, monasterio honetara itzuli zen, Hirutasun Santuaren katedraleko ikonoak eta freskoak margotzera. Bertako ikonostasian egin zuen bere lanik ospetsuena: Hirutasun Santuaren ikonoa. Azken urteak Moskuko Andronikov monasterioan igaro zituen, lekaide bizitza eginez. Bertan Kristo Salbatzaile katedrala apaindu zuen^[3].

Rubliovek, bizantziar tradiziotik urrundurik, adierazkortasun eta espiritualtasun handiko lanak egin zituen. Asko eragin zuen handik aurrerako ikonogintzan^[4].

Iruditegia

Irudi bat handitzeko, klika ezazu gainean.

• 
  Deikundea, 1405
  Deikunde katedrala, Mosku.
• 
  Kristo Salbatzailea, 1410 aldean
  Tretiakov Galeria, Mosku.
• 
  Kristo infernuetara jaitsi zenekoa, 1408-1410
  Jasokunde katedrala, Vladimir.
• 
  San Paulo, 1410-1420
  Tretiakov Galeria, Mosku.
• 
  Hirutasunaren ikonoa, 1420 inguru.

Erreferentziak

Kanpo loturak

Wikimedia Commonsen badira fitxategi gehiago, gai hau dutenak: Andrei Rubliov

• (Errusieraz) Webgune ofiziala Andrey-rublev.ru

• Datuak: Q838
• Multimedia: Andrej Rublëv / Q838