Alexandra Danilova

Alexandra Danilova
Irudi gehiago
Bizitza
Jaiotza	Petergof, 1903ko azaroaren 20a
Herrialdea	Ameriketako Estatu Batuak  Errusiar Inperioa
Heriotza	New York, 1997ko uztailaren 13a (93 urte)
Familia
Bikotekidea(k)	ikusi George Balanchine
Hezkuntza
Heziketa	Vaganova Academy of Russian Ballet (en)
Hizkuntzak	errusiera ingelesa
Ikaslea(k)	ikusi Asami Maki (en)
Jarduerak
Jarduerak	koreografoa, ballet dantzaria, ballet teacher (en) eta pedagogoa
Jasotako sariak	ikusi Capezio Dance Award  (1958) Kennedy Center Honors  (1989)

Alexandra Danilova (Peterhov, Errusia, 1903ko azaroaren 20a - New York, AEB, 1997ko uztailaren 13a) errusiar ballet dantzaria izan zen.

Biografia

San Petersburgoko Ballet Inperialaren eskolan ikasi zuen dantzan. Sobietar Estatu Balletarekin egin zuen debuta Marinsky antzokian (gero Kirov deituko zena), eta berehalaxe bereganatu zuen konpainiako dantzari bakarlari postua.

1924an, Sobietar Batasuna utzi eta atzerriratu egin zen beste dantzari talde batekin, George Balantxine koreografoa tartean zela. Behin erbesteratu eta gero, Sergei Diaghileven Errusiar Balletetan sartu zen eta konpainia hartan egon zen harik eta, 1929an, Diaghilev hil zen arte. 1933an, Diaghileven konpainiaren adar batean sartu zen, Basilen Errusiar Balletak deituan, zuzendaria Wassily Basil koronela baitzen. 1938an, berriz, Montecarloko Errusiar Balletetan sartu zen, haiek ere Diaghilevekin zerikusia zutenak.

Alexandra Danilova 1958an erretiratu zen agertokietatik. New Yorken bizi izan zen gero eta hiri hartan, American Ballet eskolan irakasletzan ez ezik, Metropolitan Operarako balletak eszenaratzen ere aritu zen. 1977an, Herbert Rossek zuzendu zuen Pauso erabakigarria filmean, Alexandra Danilovak balleteko irakaslearen papera egin zuen. Bertan, Mikhail N. Barixnikov errusiar dantzariak ere parte hartu zuen, balleteko irakaslearen papera eginez.

Erreferentziak

Wikimedia Commonsen badira fitxategi gehiago, gai hau dutenak: Alexandra Danilova

• Datuak: Q263798
• Multimedia: Alexandra Danilova / Q263798