2019ko Sri Lankako atentatuak

Mota

bonba erasoa
masa hilketa

Honen parte da

terrorism in Sri Lanka ^(en)

, Islamic terrorism ^(en)

eta persecution of Christians ^(en)

Data

2019ko apirilaren 21a

Kokaleku

Negombo
Batticaloa ^(en)

Kolonbo

Herrialdea

Sri Lanka

Helburu

San Antonio eliza (Kochchikade), San Sebastian eliza (Negombo), Sion eliza (Batticaloa), Tropical Inn hotela, Shangri-La hotela, Cinnamon Grand Hotel eta Kingsbury hotela

Pertsona hilak

269

Pertsona zaurituak

500

Erantzule

National Thowheeth Jama'ath ^(en)

(erakunde terrorista)

Arma

bonba

2019ko Sri Lankako atentatuak lehergailu bidezko eraso koordinatu batzuk izan ziren, 2019ko apirilaren 21ean egindakoak, Pazko igandean, herrialde horretako hiru eliza kristau eta lau hotelen aurka. Hogei minututan sei atentatu egin zituzten, Kolonbon, Negombon eta Batticaloan. Handik bost ordura, beste bi atentatu egin zituzten hiriburuan. Ekintzaile suizidek egin zituzten eraso guztiak, lehergailuak zartaraziz. Erasoetan 253 pertsona inguru hil^[1] eta 500etik gora zauritu ziren.^[2]^[3]

Kolonbo hirian izan ziren atentatuetako lau, Cinnamon Grand, Kingsbury eta Shangri-La hoteletan eta San Antonio eliza katolikoan. Beste leherketa bat Negombon izan zen, San Sebastian eliza katolikoan; seigarrena, berriz, Batticaloako Sion eliza ebanjelikoan.^[3] Ordu batzuk geroago, Dehiwalako zoologikotik 100 bat metrora dagoen Tropical Inn hotela eta Dematagodako bizitegi-gune bat izan ziren erasotuak.^[4]^[5] Sri Lankako gobernuak NTJ (Jainko bakarraren Erakunde Nazionala) herrialdeko talde islamikoa egin zuen atentatuen erantzule, "nazioarteko sare" baten laguntzarekin. Apirilaren 23an, Estatu Islamikoak bere gain hartu zituen erasoak.^[2]

Erreferentziak

↑ Sri Lanka attacks: Death toll revised down by 'about 100'. BBC News, bbc.com.
↑ ^a ^b Estatu Islamikoak bere gain hartu du igandeko erasoa. Berria egunkaria, 2019ko apirilak 23, CC BY-SA 4.0, berria.eus.
↑ ^a ^b Berasain Tristan, Kristina. Estatu Islamikoak hartu du bere gain Sri Lankako atentatuen erantzukizuna. Berria egunkaria, 2019ko apirilak 24, CC BY-SA 4.0, berria.eus.
↑ Gutxienez 207 pertsona hil eta 450 zauritu dira Sri Lankan, atentatu olde batean. eitb.eus.
↑ Aumentan a 310 los muertos en los atentados de Sri Lanka. eitb.eus.