2013ko Woolwicheko erasoa

2013ko Woolwicheko erasoa Londresko Whoolwich auzoan maiatzaren 22an bi gizonezkoek britainiar soldadu baten aurka buruturiko atentatua eta hilketa izan zen. Bi gizonezkoek Lee Rigby britainiar soldadua autoz harrapatu eta lurrean zegoelarik labanez erasotu eta hil zuten. Ondoren, eskuak odoleztatuta, inguruan zeuden pertsonekin hitz egiten hasi ziren, hilketarako arrazoiak azalduz. Musulmanak ziren eta Erresuma Batuak herrialde musulmanetan aurrera zeramaten gerraren aurkako mezuak zabaldu zuten, hilketa mendekutzat hartuz. Horrekin batera, argazkiak ateratzeko esan zieten. Poliziak heldu eta bi gizonezkoek ihesari ematean tiro egin zieten, biak larri zaurituz.